- క్రిస్మస్ వేడుకల సాక్షిగా ఘటన
భూపాలపల్లి అర్బన్, వెలుగు : జిల్లా ప్రథమ పౌరుడిగా ప్రజలకు ఆదర్శప్రాయంగా నిలవాల్సిన కలెక్టరే తన బూట్లను బంట్రోతుతో మోయించిన సంఘటన భూపాలపల్లి జిల్లా కేంద్రంలో జరిగింది. క్రిస్మస్ వేడుకల సాక్షిగా శనివారం జరిగిన ఈ ఘటన సోషల్ మీడియాలో వైరలయ్యింది. భూపాలపల్లి జిల్లా కేంద్రంలో శనివారం ఓ చర్చిలో క్రిస్మస్ వేడుకలకు నిర్వహించారు. దీనికి ప్రభుత్వ ఆహ్వానితులుగా కలెక్టర్ భవేష్ మిశ్రా స్థానిక ఎమ్మెల్యేతో కలిసి హాజరయ్యారు.
చర్చి లోపలికి అనుకోకుండా బూట్లతో వెళ్లారు. కాసేపటికి బూట్లతో లోపలికి వచ్చాననే అవగాహనకు రాగానే కలెక్టర్ తన షూ తీసి పక్కనే ఉన్న బంట్రోత్కు ఇచ్చారు. ఆ అటెండర్ బూట్లను బయటికి తీసుకెళ్లడమే గాక కలెక్టర్బయటకు వచ్చే దాకా వాటిని మోసుకుంటూ ఉన్నాడు. అక్కడే ఉన్న కొందరు ఫోన్లతో వీడియో తీసి సోషల్ మీడియాలో పెట్టడంతో వైరల్గా మారింది.
