ఉప్పునుంతల, వెలుగు: నాగర్ కర్నూల్ జిల్లా ఉప్పునుంతల మండలంలోని రాయిచెడు గ్రామంలో శుక్రవారం రాత్రి కారు దూసుకెళ్లడంతో ఇద్దరు మహిళలు స్పాట్లోనే చనిపోగా, మరో మహిళ పరిస్థితి సీరియస్ గా ఉంది. గ్రామానికి చెందిన నక్కెర కంటి అమృత(37), చింతకుంట్ల అనిత(24), ఎత్తపు హుస్సేనమ్మ(42) రోడ్డు పక్కన కూర్చొని మాట్లాడుకుంటున్నారు. శ్రీశైలం హైవేపై ఓవర్ స్పీడ్ తో వెళ్తున్న ఓ కారు దూసుకురావడంతో అమృతమ్మ, అనిత అక్కడికక్కడే ప్రాణాలు వదిలారు. హుస్సేనమ్మకు తీవ్రగాయాలు కావడంతో నాగర్ కర్నూల్ ప్రభుత్వ దవాఖానకు తరలించారు. కారును వెంబడించి పట్టుకొని డ్రైవర్ మంగ్యానాయక్ను చితకబాది పోలీసులకు అప్పగించారు.
