కోల్బెల్ట్, వెలుగు: రామకృష్ణాపూర్ పాలవాగు ఒడ్డున నిర్వహించిన సమ్మక్క, సారలమ్మ జాతరలో హుండీ ఆదాయం రూ.13,61,700 సమకూరింది. మంగళవారం ఉదయం మందమర్రిలోని సింగరేణి ఇల్లందు క్లబ్‌లో ఏరియా ఎస్ఓటుజీఎం, జాతర కన్వీనర్ ఎ.రాజేశ్వర్రెడ్డి, పర్సనల్ మేనేజర్ శ్యాంసుందర్, ఆర్కే--1ఏ మైన్ మేనేజర్ జయంత్ కుమార్ సమక్షంలో లెక్కింపు చేపట్టారు.
జాతరలో 11 హుండీలను ఏర్పాటు చేశారు. జాతర ప్రాంగంణంలో దుకాణా సముదాయాల టెండర్ల ద్వారా కూడా ఆదాయం వచ్చింది. రెండేళ్ల క్రితం జరిగిన జాతరలో రూ. 12.25 లక్షలు రాగా ఈ సారి ఆదాయం పెరిగింది. లెక్కింపు కార్యక్రమంలో ఏరియా డీవైపీఎం మైత్రేయబంధు, కేకే -5 వెల్ఫేర్ ఆఫీసర్ కార్తీక్ తదితరులు పాల్గొన్నారు.
