అఫ్ఘన్లు నిర్ధేశించిన 159 పరుగుల ఛేదనలో భారత జట్టుకు ఆదిలోనే ఎదురుదెబ్బ తగిలింది. దాదాపు రెండేళ్ల తరువాత టీ20 జట్టులోకి ఎంట్రీ ఇచ్చిన భారత కెప్టెన్ రోహిత్ శర్మ(0) ఖాతా తెరవకుండానే పెవిలియన్ చేరాడు. దీంతో టీమిండియా తొలి ఓవర్‌లోనే వికెట్ నష్టపోయింది.
ఫజల్హక్‌ ఫరూఖీ వేసిన మొదటి ఓవర్ తొలి బంతిని డిఫెన్స్ ఆడిన రోహిత్, రెండో బంతిని మిడ్- ఆఫ్ వైపుగా ఆడాడు. దీంతో హిట్‌మ్యాన్ సింగిల్ కోసం ప్రయత్నించగా గిల్ స్పందించలేదు. బాల్ వైపు చూస్తూ నాన్ స్ట్రైకింగ్ ఎండ్‌లోనే ఉండిపోయాడు. అదే సమయంలో మిడ్- ఆఫ్ వద్ద ఫీల్డింగ్ చేస్తున్న అఫ్ఘన్ కెప్టెన్ ఇబ్రహీం జద్రాన్ మెరుపువేగంతో బంతిని చేతికందుకొని కీపర్ కు వేయడంతో రోహిత్ డకౌట్‌గా వెనుదిరగాల్సి వచ్చింది. ఔటైన అనంతరం హిట్ మ్యాన్.. గిల్‌పై ఆగ్రహం వ్యక్తం చేశాడు. సింగిల్ వస్తది కదా..! ఎందుకు రెస్పాండ్ అవ్వలేదన్నట్లుగా ప్రశ్నించాడు. అందుకు సంబంధించిన వీడియో సోషల్ మీడియాలో వైరల్ అవుతోంది.
Run Out In His First T20I Innings In 14 Months! ?#RohitSharma #INDvAFG #IndianCricket #TeamIndia #ShubmanGill pic.twitter.com/ghLp76TblP
— CRICKETNMORE (@cricketnmore) January 11, 2024
It was an easy run. Shubman Gill did not moves from his place.Rohit Sharma was looking very angry ..!!#Gill #INDvsAFG #RohitSharma? pic.twitter.com/HweljGZN2J
— Kanwal Jot Singh (@KanwalJotSingh9) January 11, 2024
