IND vs AUS: 6, 6, 4, 6, 0, 6.. మిచెల్ స్టార్క్ తాట తీసిన రోహిత్ శర్మ

సెయింట్ లుసియా వేదికగా ఆస్ట్రేలియాతో జరుగుతోన్న ఆఖ‌రి సూప‌ర్ 8 మ్యాచ్‌లో భారత కెప్టెన్ రోహిత్ శర్మ మెరుపులు మెరుస్తున్నాడు. విరాట్ కోహ్లీ నిరాశ పరిచినా.. హిట్ మ్యాన్ మాత్రం మంచి టచ్‌లో కనిపిస్తున్నాడు. భారత బ్యాటర్లను భయపెట్టేది తానేనని విర్రవీగే మిచెల్ స్టార్క్ తాట తీశాడు.. భారత కెప్టెన్.

6, 6, 4, 6, 0, 6

స్టార్క్ వేసిన మూడో ఓవర్‌లో తొలి నాలుగు బంతులను 6, 6, 4, 6 బాదిన రోహిత్ శర్మ.. చివరి బంతిని మరోసారి స్టాండ్స్‌లోకి పంపాడు. ఒక వైడ్ సహా ఆ ఓవర్‌లో 29 పరుగులు వచ్చాయి. దాంతో, భారత స్కోరు బోర్డు ఒక్కసారిగా పరుగులు పెట్టింది. అయితే, అంతకుముందు విరాట్ కోహ్లీ నిరాశపరిచాడు. పరుగుల ఖాతా తెరవకుండానే పెవిలియన్ చేరాడు. హేజిల్‌వుడ్ వేసిన రెండో ఓవర్‌లో నాలుగో బంతికి టిమ్‌ డేవిడ్‌కు క్యాచ్‌ ఇచ్చాడు. ప్రస్తుతం టీమిండియా స్కోర్ 3 ఓవర్లు ముగిసేసరికి..35/1. రోహిత్(34*), పంత్(0*) క్రీజులో ఉన్నారు.