టీ20 ప్రపంచకప్ సైమీ ఫైనల్ రేసు ఆస‌క్తిగా మారిన వేళ భార‌త్‌, ఆస్ట్రేలియా జట్లు కీల‌క పోరాటానికి సిద్ధమ‌య్యాయి. సెయింట్ లుసియాలోని డారెన్ స‌మీ వేదికగా ఆఖ‌రి సూప‌ర్ 8 మ్యాచ్‌లో తలపడుతున్నాయి. ఈ మ్యాచ్‌లో టాస్ గెలిచిన ఆసీస్ సారథి మిచెల్ మార్ష్ మొదట బౌలింగ్ ఎంచుకున్నాడు.
ఈ మ్యాచ్‌లో భారత జట్టులో ఎలాంటి మార్పులు లేకపోగా.. ఆసీస్ ఒక మార్పుతో బరిలోకి దిగుతోంది. ఆస్టన్ అగర్ స్థానంలో మిచెల్ స్టార్క్ జట్టులోకి వచ్చాడు. రోహిత్ సేన ఈ మ్యాచ్‌లో గెలిచి 2023 టెస్ట్ ఛాంపియన్ షిప్ ఫైనల్ ఓటమి, 2023 వ‌న్డే ప్రపంచకప్ ఫైనల్ ఓటములకు ప్రతీకారం తీర్చుకోవాలని చూస్తోంది.
తుది జట్లు
ఆస్ట్రేలియా: ట్రావిస్ హెడ్, డేవిడ్ వార్నర్, మిచెల్ మార్ష్ (కెప్టెన్), గ్లెన్ మాక్స్‌వెల్, మార్కస్ స్టోయినిస్, టిమ్ డేవిడ్, మాథ్యూ వేడ్ (వికెట్ కీపర్), పాట్ కమిన్స్, మిచెల్ స్టార్క్, ఆడమ్ జంపా, జోష్ హేజిల్‌వుడ్.
టీమిండియా: రోహిత్ శర్మ (కెప్టెన్), విరాట్ కోహ్లీ, రిషబ్ పంత్ (వికెట్ కీపర్), సూర్యకుమార్ యాదవ్, శివమ్ దూబే, హార్దిక్ పాండ్యా, అక్షర్ పటేల్, రవీంద్ర జడేజా, అర్ష్‌దీప్ సింగ్, కుల్దీప్ యాదవ్, జస్ప్రీత్ బుమ్రా.
