చరిత్ర సృష్టించిన టీమిండియా.. అత్యధిక సిక్సర్లు బాదిన తొలి జట్టు మనదే

ఆస్ట్రేలియాతో జరుగుతున్న రెండో వన్డేలో భారత జట్టు అరుదైన రికార్డు సృష్టించింది. వన్డే చరిత్రలో 3000 సిక్సులు బాదిన తొలి జట్టుగా అవతరించింది. ఈ మ్యాచ్‌లో 18 సిక్సర్లు బాదిన భారత బ్యాటర్లు.. 3000 సిక్సులు మైలురాయిని అధిగమించేలా చేశారు. అలాగే, ఈ ఏడాది ఇదే వేదికపై న్యూజిలాండ్ తో జరిగిన మ్యాచ్ లో 19 సిక్సులు బాదారు.

బ్యాటింగ్‌కు అనుకూలించిన‌ ఇండోర్ పిచ్‌పై భారత బ్యాటర్లు చెలరేగిపోయారు. శుభ్‌మ‌న్ గిల్‌(104), శ్రేయ‌స్ అయ్య‌ర్(105) సెంచ‌రీలు చేయగా.. సూర్య‌కుమార్ యాద‌వ్(72 నాటౌట్), కెప్టెన్ కేఎల్ రాహుల్(52 ) హాఫ్ సెంచరీలతో మెరిశారు. దీంతో టీమిండియా నిర్ణీత ఓవర్లలో 5 వికెట్ల న‌ష్టానికి 399 ప‌రుగులు చేసింది.