ఢిల్లీ వేదికగా బంగ్లాదేశ్‌తో జరిగిన రెండో టీ20లో టీమిండియా ఘన విజయం సాధించింది. 86 పరుగుల తేడాతో బంగ్లాను చిత్తు చేసింది. తొలుత బ్యాటింగ్ చేసిన టీమిండియా 221 పరుగుల భారీ స్కోర్ చేయగా.. ఛేదనలో బంగ్లా 135 పరుగులకే పరిమితమైంది. ఈ విజయంతో సూర్య సేన మూడు మ్యాచ్‌ల టీ20 సిరీస్ ను మరో మ్యాచ్ మిగిలివుండగానే సొంతం చేసుకుంది.
తెలుగు కుర్రాడి మెరుపులు
ఈ మ్యాచ్‌లో తొలుత బ్యాటింగ్ చేసిన టీమిండియా నిర్ణీత 20 ఓవర్లలో 9 వికెట్లు కోల్పోయి 221 పరుగులు చేసింది. తెలుగు కుర్రాడు నితీశ్‌ రెడ్డి (74;34 బంతుల్లో 4 ఫోర్లు, 7 సిక్స్‌లు), రింకు సింగ్ (53; 29 బంతుల్లో 5 ఫోర్లు, 3 సిక్స్‌లు) హాఫ్ సెంచరీలు చేయగా.. హార్దిక్ పాండ్యా (32; 19 బంతుల్లో 2 ఫోర్లు, 2 సిక్స్‌లు) రాణించాడు. బంగ్లా బౌలర్లలో రిషద్ హొస్సేన్ 3, ముస్తాఫిజుర్ 2, తంజిమ్ హసన్ 2, తస్కిన్ అహ్మద్ 2 వికెట్లు పడగొట్టారు.
ఆదుకున్న మహ్మదుల్లా
222 పరుగుల భారీ ఛేదనలో బంగ్లాదేశ్ ఏ దశలోనూ విజయం దిశగా సాగలేదు. వరుస విరామాల్లో వికెట్లు కోల్పోతూనే వచ్చింది. పర్వేజ్ హొస్సేన్(16), లిట్టన్ దాస్(14), నజ్ముల్ హుస్సేన్ శాంటో(11), తౌహిద్ హృదయ్(2), మెహిదీ హసన్(`6), జాకర్ అలీ(1).. ఇలా ఒకరివెంట మరొకరు పెవిలియన్ బాట పట్టారు. వందలోపే ఆలౌట్ అయ్యేలా కనిపించిన బంగ్లాను మహ్మదుల్లా ఆదుకున్నాడు. 39 బంతుల్లో 41 పరుగులు చేశాడు. చివరకు బంగ్లాదేశ్ నిర్ణీత 20 ఓవర్లలో 9 వికెట్లు కోల్పోయి 135 పరుగులు చేసింది.
ALSO READ | IND vs BAN: నితీష్, రింకూ హాఫ్ సెంచరీలు.. బంగ్లా టార్గెట్ 222
భారత బౌలర్లలో వరుణ్ చక్రవర్తి, నితీష్ రెడ్డి రెండేసి వికెట్లు పడగొట్టగా.. వాషింగ్టన్ సుందర్, అర్షదీప్, మయాంక్ యాదవ్, రియాన్ పరాగ్, అభిషేక్ శర్మ వికెట్ చొప్పున తీసుకున్నారు.
India are a class apart and they seal the series with two huge wins 🔥
— ESPNcricinfo (@ESPNcricinfo) October 9, 2024
🔗 https://t.co/CBhsGt8i18 | #INDvBAN pic.twitter.com/VgpoHWZM8w
శనివారం ఉప్పల్‍లో మ్యాచ్
కాగా, ఈ ఇరు జట్ల మధ్య శనివారం(అక్టోబర్ 12) ఉప్పల్ రాజీవ్ గాంధీ స్టేడియం వేదికగా మూడో టీ20 జరగనుంది. ఇప్పటికే ఈ మ్యాచ్ టికెట్ల విక్రయాలు మొదలయ్యాయి. పేటీఎం ఇన్ సైడర్ యాప్‌లో టికెట్లు కొనుగోలు చేయవచ్చు.
