పొట్టి ప్రపంచకప్‌లో భారత జట్టు సెమీఫైన‌ల్లో అడుగుపెట్టింది. శ‌నివారం(జూన్ 22) జ‌రిగిన సూపర్ 8 రెండో మ్యాచ్‌లో రోహిత్ సేన.. బంగ్లా పులులను వ‌ణికించింది. తొలుత 196 పరుగుల భారీ స్కోర్ చేసి.. ఛేదనలో బంగ్లాను 146 పరుగులకే కట్టడి చేసి 50 పరుగుల తేడాతో విజ‌య‌భేరి మోగించింది. ఏకపక్షంగా సాగిన ఈ మ్యాచ్ అభిమానులకు వినోదాన్ని పంచకపోయినా.. మైదానంలో చోటు చేసుకున్న కొన్ని ఘటనలు క్రికెట్ ప్రేమికులను కడుపుబ్బా నవ్వించాయి.
బంగ్లాతో పోరులో భారత సీనియర్ బ్యాటర్లు విరాట్ కోహ్లీ, రోహిత్ శర్మ మైదానంలో చాలా సరదాగా కనిపించారు. ఈ జంట ఎప్పటికప్పుడు తమ చేష్టలతో స్క్రీన్ పై కనిపిస్తూనే వచ్చారు. హిట్ మ్యాన్ ఎప్పటిలానే తనదైన మాస్ డైలాగ్స్ తో నవ్వులు పంచగా.. కోహ్లీ ఒకానొక సందర్భంలో బంతి కోసం పడరాని పాట్లు పడ్డాడు. బంతిని వెతికే సమయంలో తన స్టార్‌డమ్‌ పక్కన పెట్టి అడ్వర్టైజ్‌మెంట్ హోర్డింగ్‌ల కిందకు దూరాడు. ఆ దృశ్యాలు స్క్రీన్‌పై చూసి భారత సారథి నవ్వుకోవడం గమనార్హం. బంగ్లా బ్యాటింగ్ 187వ ఓవర్‌లో ఈ ఘటన చోటు చేసుకుంది.
ఏం జరిగిందంటే..?
అర్ష్‌దీప్ సింగ్ వేసిన 17వ ఓవర్ లో ఓ డెలివరీని రిషద్ హొస్సేన్ భారీ సిక్సర్ బాదాడు. దాంతో, బంతి మైదానంలో ఉంచిన అడ్వర్టైజ్‌మెంట్ హోర్డింగ్‌ల కిందకు వెళ్లింది. అక్కడ బంతిని తీసి ఇచ్చేందుకు ఎవరూ లేరు. చేసేదేమిలేక కోహ్లీనే బంతి కోసం టేబుల్ కిందకు దూరాడు. అందుకు సంబంధించిన వీడియోను నెటిజన్స్.. విచ్చలవిడిగా వైరల్ చేస్తున్నారు. ఆ ఫోటోలకు ఫన్నీ రియాక్షన్స్ ఇస్తూ కామెంట్ల వర్షం కురిపిస్తున్నారు.
Virat Kohli retrieving a ball stuck under a stage during the India vs Bangladesh match. 😅 pic.twitter.com/aQkFrj2rhk
— 47Sha (@47shanmu) June 22, 2024
