భారత్ - బంగ్లాదేశ్ మ్యాచ్‌కు ముందు పాకిస్తాన్ నటి సేహ‌ర్ షిన్వారి చేసిన బహిరంగ ప్రకటన అందరికీ గుర్తుండే ఉంటుంది. భారత్‌పై బంగ్లాదేశ్ గెలిస్తే.. ఆ దేశ క్రికెట‌ర్‌తో డేటింగ్ చేస్తాన‌ని సోషల్ మీడియా వేదికగా వెల్లడించింది. కానీ ఆమె కోరిక నెరవేరలేదు. భారత్ చేతిలో బంగ్లా చిత్తుచిత్తుగా ఓడింది. ఈ బాధలో వారుంటే.. ఆ పుండుపై కారం చల్లుతున్నట్లు సేహ‌ర్ షిన్వారి మరో ట్వీట్‌తో తెరపైకి వచ్చింది.
ఈ మ్యాచ్‌లో బంగ్లాదేశ్ 257 పరుగుల లక్ష్యాన్ని నిర్ధేశించగా.. భారత బ్యాటర్లు ఆడుతూ పాడుతూ చేధించారు. 3 వికెట్లు మాత్రమే కోల్పోయి 41.3 ఓవర్లలోనే మ్యాచ్ ముంగిచారు. మ్యాచ్ అమాంతం ఏకపక్షంగా సాగింది. లక్ష్య ఛేదనలో తొలుత రోహిత్‌, గిల్‌ విజయానికి గట్టి పునాది వేయగా... కోహ్లీ పనిని పూర్తి చేశాడు. శతకం బాది టీమిండియాకు మరో విజయాన్ని అందించాడు. ఇంత దారుణంగా ఓడితే బంగ్లా ఆటగాళ్లు గొప్పగా ఆడారంటూ డేటింగ్ నటి ట్వీట్ చేసింది.
All smiles in Pune as #TeamIndia register their fourth win in #CWC23 ??#INDvBAN | #MenInBlue pic.twitter.com/BetXKxTSh7
— BCCI (@BCCI) October 19, 2023
'శభాష్ బెంగాలీ టైగ‌ర్స్. బాగా ఆడారు.. క‌నీసం మీరైనా ఇండియాకు వారి సొంతగ‌డ్డ‌పై గట్టి పోటీ ఇచ్చారు.." అని సేహ‌ర్ షిన్వారి ట్వీట్ చేసింది. ఈ ట్వీట్ పై నెట్టింట జోకులు పేలుతున్నాయి. పాకిస్తాన్ (191 ఆలౌట్) ఆటగాళ్లతో పోలిస్తే.. బంగ్లా ఆటగాళ్లు బాగానే ఆడారని డేటింగ్ చేయొచ్చని నెటిజన్స్ ఆమెకు సూచిస్తున్నారు. లేదంటే అలాంటి అవకాశం మరోసారి ఇవ్వాలని ఆమెకు విజ్ఞప్తి చేస్తున్నారు.
Well played Bengali Tigers. At least you guys challanged Indian team on their home ground.??
— Sehar Shinwari (@SeharShinwari) October 19, 2023
