శ్రీలంకతో జరుగుతున్న తొలి వన్డే ద్వారా భారత కెప్టెన్ రోహిత్ శర్మ మరో మైలురాయిని చేరుకున్నాడు. అంతర్జాతీయ క్రికెట్‌లో అత్యధిక సిక్సర్లు బాదిన కెప్టెన్‌గా చరిత్ర సృష్టించాడు. ఈ మ్యాచ్‌లో మూడు సిక్సర్లు బాదిన హిట్‌మ్యాన్.. ఇంగ్లండ్ కెప్టెన్ ఇయాన్ మోర్గాన్‌ను వెనక్కినెట్టి అగ్రస్థానానికి చేరుకున్నాడు.
ఇప్పటివరకూ కెప్టెన్‌గా రోహిత్ శర్మ అంతర్జాతీయ క్రికెట్‌లో 134 ఇన్నింగ్స్‌లలో 234 సిక్సర్లు కొట్టాడు. ఈ జాబితాలో 234 సిక్సర్లతో ఇయాన్ మోర్గాన్ రెండో స్థానంలో ఉండగా.. 211 సిక్సర్లతో భారత మాజీ కెప్టెన్ ఎంఎస్ ధోని మూడో స్థానంలో ఉన్నాడు.
కెప్టెన్‌గా అంతర్జాతీయ క్రికెట్‌లో అత్యధిక సిక్సర్లు
- రోహిత్ శర్మ: 134 ఇన్నింగ్స్‌ల్లో 234 సిక్సర్లు
- ఇయాన్ మోర్గాన్: 180 ఇన్నింగ్స్‌ల్లో 233 సిక్సర్లు
- ఎంఎస్ ధోని: 330 ఇన్నింగ్స్‌ల్లో 211 సిక్సర్లు
- రికీ పాంటింగ్: 376 ఇన్నింగ్స్‌ల్లో 171 సిక్సర్లు
- బ్రెండన్ మెకల్లమ్: 140 ఇన్నింగ్స్‌ల్లో 170 సిక్సర్లు
ఓపెనర్‌గా 15,000 పరుగులు
కాగా, ఈ మ్యాచ్‌లో రోహిత్ మరో మార్క్ చేరుకున్నాడు. ఓపెనర్‌గా అంతర్జాతీయ క్రికెట్‌లో 15,000 పరుగులు పూర్తి చేసుకున్నాడు. ఈ ఘనత సాధించిన భారత మూడో క్రికెటర్ హిట్‌మ్యాన్. వీరేంద్ర సెహ్వాగ్ (16,119), సచిన్ టెండూల్కర్ (15,335) తొలి రెండు స్థానాల్లో ఉన్నారు. ఓవరాల్ గా అంతర్జాతీయ క్రికెట్‌లో ఓపెనర్‌గా 15,000కు పైగా పరుగులు చేసిన పదో క్రికెటర్ రోహిత్.
Six Hiting Machine Rohit Sharma
— Nithin M N K🇮🇳 45 ᴮʰᵃᶦʳᵃᵗʰᶦ ᴿᵃⁿᵃᵍᵃˡ (@NithinMNK1) August 2, 2024
- Rohit Sharma has the most sixes as a Captain in International cricket 🤯#RohitSharma𓃵 #INDvsSL pic.twitter.com/solKqjIYfF
