న్యూఢిల్లీ: ప్రస్తుత సంవత్సరంలో 42 రోజుల పాటు సాగిన ఫెస్టివల్ సీజన్లో ఆటోమొబైల్ రిటైల్ అమ్మకాలు ఏడాది ప్రాతిపదికన 12 శాతం పెరిగి 42,88,248 యూనిట్లకు చేరుకున్నాయని ఫెడరేషన్ ఆఫ్ ఆటోమొబైల్ డీలర్స్ అసోసియేషన్స్ (ఫాడా) తెలిపింది. దీని రిపోర్టు ప్రకారం.. గత ఏడాది పండుగ కాలంలో మొత్తం 38,37,040 బండ్లు రిజిస్టర్ అయ్యాయి. నవరాత్రి ప్రారంభమైనప్పటి నుంచి రిజిస్ట్రేషన్ల పెరుగుదల బాగుందని, గత సంవత్సరంతో పోలిస్తే ఈసారి ఇవి 11.76 శాతం పెరిగాయని ఫాడా అధ్యక్షుడు విఘ్నేశ్వర్ తెలిపారు.
ప్యాసింజర్ వాహనాల రిటైల్ గత ఏడాది ఇదే కాలంలో 5,63,059 యూనిట్లు ఉండగా, ఈ ఏడాది పండుగ కాలంలో 7 శాతం పెరిగి 6,03,009 యూనిట్లకు చేరుకున్నాయి. ప్యాసింజర్ వాహనాల అమ్మకాలు తిరిగి పుంజుకున్నాయని అన్నారు. బెంగళూరు, తమిళనాడులో అకాల భారీ వర్షాలు, ఒడిశాలో తుఫాను రాకపోయి ఉంటే అమ్మకాలు 45 లక్షలు దాటి ఉండేవని విఘ్నేశ్వర్ వివరించారు.
