ఇవాళ జపాన్‌తో ఇండియా సెమీ ఫైనల్ ఫైట్

• విమెన్స్‌‌‌‌‌‌‌‌ ఆసియా చాంపియన్స్‌‌‌‌‌‌‌‌ ట్రోఫీలో  నేడు జపాన్‌తో ఇండియా సెమీ ఫైనల్ ఫైట్

రాజ్‌‌‌‌‌‌‌‌గిర్‌‌‌‌‌‌‌‌ (బిహార్‌‌‌‌‌‌‌‌): విమెన్స్‌‌‌‌‌‌‌‌ ఆసియా చాంపియన్స్‌‌‌‌‌‌‌‌ ట్రోఫీలో... డిఫెండింగ్‌‌‌‌‌‌‌‌ చాంపియన్‌‌‌‌‌‌‌‌ ఇండియా హాకీ టీమ్‌‌‌‌‌‌‌‌ సెమీస్‌‌‌‌‌‌‌‌ మ్యాచ్‌‌‌‌‌‌‌‌కు రెడీ అయ్యింది. మంగళవారం జరిగే ఈ నాకౌట్‌‌‌‌‌‌‌‌ పోరులో జపాన్‌‌‌‌‌‌‌‌తో తలపడనుంది. లీగ్‌‌‌‌‌‌‌‌ దశలో ఆడిన ఐదు మ్యాచ్‌‌‌‌‌‌‌‌ల్లో నెగ్గిన టీమిండియా ఈ మ్యాచ్‌‌‌‌‌‌‌‌లోనూ ఫేవరెట్‌‌‌‌‌‌‌‌గా బరిలోకి దిగుతుంది. ఆఖరి లీగ్‌‌‌‌‌‌‌‌ మ్యాచ్‌‌‌‌‌‌‌‌లో జపాన్‌‌‌‌‌‌‌‌పైనే గెలవడం, మధ్యలో ఒలింపిక్‌‌‌‌‌‌‌‌ సిల్వర్‌‌‌‌‌‌‌‌ మెడలిస్ట్‌‌‌‌‌‌‌‌ చైనాను ఓడించడం ఇండియాకు ఆత్మవిశ్వాసాన్ని పెంచే అంశం. లీగ్‌‌‌‌‌‌‌‌లో ఆడిన అన్ని మ్యాచ్‌‌‌‌‌‌‌‌ల్లోనూ ఇండియా డిఫెన్స్‌‌‌‌‌‌‌‌, స్ట్రాటజీలు అద్భుతంగా వర్కౌట్‌‌‌‌‌‌‌‌ అయ్యాయి.

 దీంతో అదే జోరును కంటిన్యూ చేస్తామని చీఫ్‌‌‌‌‌‌‌‌ కోచ్‌‌‌‌‌‌‌‌ హరేంద్ర సింగ్‌‌‌‌‌‌‌‌ వెల్లడించాడు.  దీపిక, మనీషా చౌహాన్‌‌‌‌‌‌‌‌ పెనాల్టీలను గోల్స్‌‌‌‌‌‌‌‌గా మలుస్తుండటం కలిసొచ్చే అంశం. బ్యాక్‌‌‌‌‌‌‌‌ లైన్‌‌‌‌‌‌‌‌లో ఉదితా, సుశీల చానూ, వైష్ణవి సూపర్‌‌‌‌‌‌‌‌గా ఆడుతున్నారు. గోల్‌‌‌‌‌‌‌‌ కీపర్‌‌‌‌‌‌‌‌ సవితా పూనియా, బిచూ దేవికి ఇప్పటివరకు పెద్దగా పరీక్ష ఎదురుకాలేదు. ఇక లీగ్‌‌‌‌‌‌‌‌ దశలో ఎదురైన పరాజయానికి ప్రతీకారం తీర్చుకోవాలని జపాన్‌‌‌‌‌‌‌‌ కసిగా ఉంది.  గత మ్యాచ్‌‌‌‌‌‌‌‌లో జరిగిన తప్పులను సరిదిద్దుకుని ఇండియాకు చెక్‌‌‌‌‌‌‌‌ పెట్టాలని భావిస్తోంది. రెండో సెమీస్‌‌‌‌‌‌‌‌లో చైనా... మలేసియాతో తలపడుతుంది.