టీమిండియా టీ 20 ప్రపంచ కప్ గెలుపుతో దేశ వ్యాప్తంగా సంబరాలు అంబరాన్ని అంటాయి. పెద్ద ఎత్తున జనం వీధుల్లోకి వచ్చి బాణాసంచా కాల్చి పండగ చేసుకున్నారు. జై భారత్.. జైజై టీమిండియా.. జయహో ఇండియా అంటూ కేరింతలు కొట్టారు యువత.
సౌతాఫ్రికాతో జరిగిన టీ 20 వరల్డ్ కప్ ఫైనల్ మ్యాచ్ ఉత్కంఠగా సాగింది. చివరి బంతి వరకు గెలుపు నువ్వానేనా అన్నట్లు సాగింది. నరాలు తెగే ఉత్కంఠ మ్యాచ్ ను ఊపిరి బిగబట్టి మరీ.. టీవీలకు అతుక్కుపోయి చూశారు క్రికెట్ అభిమానులు.
19వ ఓవర్ వరకు భారత్ గెలుస్తుందా లేదా అనే టెన్షన్ తో చచ్చిపోయారు క్రికెట్ అభిమానులు. ఎట్టకేలకు.. 11 ఏళ్ల తర్వాత.. ఐసీసీ కప్ గెలవటంతో.. ఒక్కసారిగా ఆనందంతో గంతులేశారు క్రికెట్ అభిమానులు.
