రాజ్‌‌‌‌‌‌‌‌‌‌‌‌‌‌‌‌గిర్‌ (బిహార్‌): డిఫెండింగ్‌ చాంపియన్‌ ఇండియా విమెన్స్‌ హాకీ టీమ్‌.. ఆసియా చాంపియన్స్‌ ట్రోఫీలో వరుసగా ఐదో విజయాన్ని నమోదు చేసింది. ఆదివారం జరిగిన ఆఖరి లీగ్‌ మ్యాచ్‌‌‌‌‌‌‌‌‌‌‌‌‌‌‌‌లో ఇండియా 3–0తో జపాన్‌‌‌‌‌‌‌‌‌‌‌‌‌‌‌‌ను ఓడించి సెమీస్‌ బెర్త్‌‌‌‌‌‌‌‌‌‌‌‌‌‌‌‌ను మరింత పటిష్టం చేసుకుంది. ఇండియా తరఫున నవ్‌‌‌‌‌‌‌‌‌‌‌‌‌‌‌‌నీత్‌ కౌర్‌ (37వ ని) ఫీల్డ్‌ గోల్‌ చేయగా, దీపిక (47, 48వ ని) బ్యాక్‌ టు బ్యాక్‌ పెనాల్టీ కార్నర్లను గోల్స్‌‌‌‌‌‌‌‌‌‌‌‌‌‌‌‌గా మల్చింది.
దీంతో ఆడిన ఐదు మ్యాచ్‌‌‌‌‌‌‌‌‌‌‌‌‌‌‌‌ల్లో ఇండియా15 పాయింట్లతో టాప్‌ ప్లేస్‌‌‌‌‌‌‌‌‌‌‌‌‌‌‌‌లో నిలిచింది. చైనా (12) రెండో ప్లేస్‌‌‌‌‌‌‌‌‌‌‌‌‌‌‌‌లో ఉంది. ఈ టోర్నీలో అద్భుతంగా ఆడుతున్న దీపిక మొత్తం 10 గోల్స్‌ చేసింది. నాలుగు ఫీల్డ్‌ గోల్స్‌, ఐదు పెనాల్టీ కార్నర్లు, ఒక పెనాల్టీ స్ట్రోక్‌ ఇందులో ఉన్నాయి. ఇతర మ్యాచ్‌‌‌‌‌‌‌‌‌‌‌‌‌‌‌‌ల్లో మలేసియా 2–0తో థాయ్‌‌‌‌‌‌‌‌‌‌‌‌‌‌‌‌లాండ్‌‌‌‌‌‌‌‌‌‌‌‌‌‌‌‌పై, చైనా 2–0తో సౌత్‌ కొరియాపై గెలిచాయి. మంగళవారం జరిగే సెమీస్‌‌‌‌‌‌‌‌‌‌‌‌‌‌‌‌లో ఇండియా.. జపాన్‌‌‌‌‌‌‌‌‌‌‌‌‌‌‌‌తో, చైనా.. మలేసియాతో తలపడతాయి.
