న్యూఢిల్లీ: మన దేశ ఆర్థిక వృద్ధి రేటు 2024–25లో నాలుగేళ్ల కనిష్టం 6.4 శాతానికి పడిపోతుందని కేంద్ర ప్రభుత్వం అంచనా వేసింది. మాన్యుఫాక్చరింగ్, సర్వీసెస్ సెక్టార్లు నెమ్మదించడం ఇందుకు కారణమని పేర్కొంది. కొవిడ్ సంవత్సరం (2020–21) తరువాత జీడీపీ ఇంత తక్కువగా ఉండటం ఇదే మొదటిసారి. అప్పుడు గ్రోత్రేట్5.8 శాతంగా నమోదయింది. 2021–22లో 9.7 శాతం, 2022–23లో ఏడు శాతం, 2024 మార్చితో ముగిసిన ఆర్థిక సంవత్సరంలో 8.2 శాతంగా నమోదయింది.
తాజా అంచనాలు ఆర్బీఐ జీడీపీ గ్రోత్ అంచనా 6.6 శాతం కంటే తక్కువగా ఉన్నాయి. వచ్చే నెల ఒకటో తేదీన ప్రవేశపెట్టబోయే బడ్జెట్ తయారీకి ఈ అంకెలను ఉపయోగించుకుంటారు. గత ఆర్థిక సంవత్సరంలో తయారీ రంగం ఔట్పుట్ 9.9 శాతం కాగా, ఈసారి 5.3 శాతానికి తగ్గుతుందని అంచనా. సర్వీస్ సెక్టార్ గ్రోత్ 6.4 శాతం నుంచి 5.8 శాతానికి తగ్గుతుందని భావిస్తున్నారు. సాగురంగ వృద్ధి మాత్రం 1.4 శాతం నుంచి 3.8 శాతానికి పెరుగుతుందని అంచనా వేశారు.
