బిలియనీర్లలో ఇండియాది మూడోప్లేస్

దేశంలో పైసలున్నోళ్లు పెరుగుతున్రు
ఈక్విటీ, డిజిటల్ జోరే కారణం
ఇండ్లపై ఇన్వెస్ట్మెంట్ ఇష్టం
బిలియనీర్లలో ఇండియాది మూడోప్లేస్
నైట్ఫ్రాంక్ వెల్త్ రిపోర్టు 2022 వెల్లడి

వెలుగు, బిజినెస్ డెస్క్: మన దేశంలో బాగా డబ్బున్నోళ్లు ఇండ్ల మీద పెట్టుబడి పెట్టడానికి ఇష్టపడుతున్నారు. దేశంలో రూ. 226 కోట్లకి మించి నెట్వర్త్ ఉన్న వారిలో 30 శాతం మంది ఇండ్లు కొనడానికి మొగ్గు చూపుతున్నట్లు నైట్ఫ్రాంక్ వెల్త్రిపోర్ట్ 2022 వెల్లడించింది. బాగా డబ్బున్నోళ్ల (అల్ట్రా హై నెట్వర్త్ ఇండివిడ్యువల్స్) సంఖ్య కిందటేడాది 11 శాతం పెరిగినట్లు పేర్కొంది. ఈక్విటీ మార్కెట్ల జోరు, డిజిటల్ రివల్యూషన్ వల్లే సంపన్నులు పెరిగారని తెలిపింది. గ్లోబల్గా బిలియనీర్లు ఎక్కువగా ఉన్న దేశాలలో ఇప్పుడు మన దేశం మూడో ప్లేస్లో నిలుస్తోంది. 748 మంది బిలియనీర్లతో అమెరికా మొదటి ప్లేస్లోనూ, 554 మంది ర్లతో చైనా రెండో ప్లేస్లోనూ ఉండగా, 145 మంది బిలియనీర్లతో మన దేశం మూడో ప్లేస్లో ఉంది. అల్ట్రా హై నెట్వర్త్ ఇండివిడ్యువల్స్ 2021 లో ఆసియా పసిఫిక్ ప్రాంతంలో మరే దేశంలోనూ లేని విధంగా 11 శాతం పెరిగారని నైట్ఫ్రాంక్ రిపోర్టు వెల్లడించింది. అంతకు ముందు ఏడాది ఇలాంటి సంపన్నులు దేశంలో 12,287 మంది అయితే, 2021లో ఆ సంఖ్య 13,637 కి చేరింది. సంపద ఎక్కువైన వారిలో 30 శాతం మంది ఇండ్లు కొనడానికి ఇష్టపడుతున్నారని, ఒక ఇల్లు ఉంటే మరో ఇల్లు కొనడానికీ సిద్ధపడుతున్నారని నైట్ఫ్రాంట్ ఈ రిపోర్టులో విశ్లేషించింది.

సూపర్పవర్గా ఇండియా....
అల్ట్రా హై నెట్ వర్త్ ఇండివిడ్యువల్స్, బిలియనీర్లు బాగా పెరుగుతుండటంతో గ్లోబల్గా అధిక గ్రోత్ సాధించే దేశాలలో మన దేశం ముందుంటుందని కూడా శిశిర్ బైజాల్ ఈ రిపోర్టులో పేర్కొన్నారు. వివిధ సెక్టార్లలో లీడర్గా మారడంతో పాటు, దేశం సూపర్ పవర్గా మారుతుందని అన్నారు. దేశంలోని 69 శాతం మంది సంపన్నుల సంపద 2022లో 10 శాతం పెరుగుతుందని అంచనా వేస్తున్నట్లు ఈ రిపోర్టు పేర్కొంది. బిలియనీర్ల క్లబ్లో ఎక్కువ మందితో ఆసియా ముందుంది. 2021 లోని కొత్త బిలియనీర్లలో 36 శాతం మంది ఆసియా ప్రాంతం నుంచే రావడం విశేషమని నైట్ఫ్రాంక్ రిపోర్టు తెలిపింది. కొత్తగా బిలియనీర్లుగా మారుతున్న వారితో భవిష్యత్తులో ప్రోపర్టీ మార్కెట్ ఎలా మారుతుందనే అంశాన్నీ నైట్ఫ్రాంక్ ఈ ఏడాది రిపోర్టులో విశ్లేషించింది. ఇలా విశ్లేషించడం ఇదే మొదటిసారి.

సొంతంగా ఎదిగినోళ్లు ఎక్కువే.....
గ్లోబల్గా చూస్తే, 1,35,192 మంది సొంతంగా బిలియనీర్లుగా ఎదిగారని, వీరి వయసు 40 ఏళ్ల లోపేనని నైట్ ఫ్రాంక్ రిపోర్టు తెలిపింది. ప్రపంచంలోని మొత్తం అల్ట్రా హై నెట్వర్త్ ఇండివిడ్యువల్స్లో ఇది అయిదో వంతుకు సమానమని పేర్కొంది. రాబోయే అయిదేళ్లలో గ్లోబల్గా అల్ట్రా హై నెట్వర్త్ ఇండివిడ్యువల్స్ సంఖ్య 28 శాతం చొప్పున పెరుగుతుందని, ఇందులో ఆసియా–ఆస్ట్రేలియా ప్రాంతాల నుంచి 33 శాతం, నార్త్ అమెరికా నుంచి 28 శాతం, లాటిన్ అమెరికా నుంచి 26 శాతం మంది ఉంటారని అంచనా వేసింది. కిందటి అయిదేళ్ల కాలం చూస్తే ఢిల్లీలోని అల్ట్రా హై నెట్వర్త్ ఇండివిడ్యువల్స్ సంఖ్య 101.2 శాతం, ముంబైలో 42.6 శాతం, బెంగళూరులో 22.7 శాతం పెరిగిందని, కానీ రాబోయే అయిదేళ్లలో ఈ అంశంలో బెంగళూరు ముందడుగు వేస్తుందని నైట్ ఫ్రాంక్ రిపోర్టు తెలిపింది. ఈ సిటీలో అల్ట్రా హై నెట్వర్త్ ఇండివిడ్యువల్స్సంఖ్య 89 శాతం గ్రోత్తో 2026 నాటికి 665 కి
చేరుతుందని నైట్ఫ్రాంక్ ఇండియా రిపోర్టు పేర్కొంది.

బెంగళూరు నుంచే ఎక్కువ మంది
బెంగళూరు సిటీలో కిందటేడాది ఎక్కువ డబ్బున్నోళ్ల సంఖ్య ఎక్కువగా పెరిగింది. ఈ సిటీలోని అల్ట్రా హై నెట్వర్త్ ఇండివిడ్యువల్స్ సంఖ్య 17.1 శాతం పెరిగి 352 కి చేరింది. ఆ తర్వాత రెండు ప్లేస్లలో 12.4 శాతం గ్రోత్తో ఢిల్లీ (210) 9 శాతం గ్రోత్తో ముంబై (1,596) నిలిచాయి. 2026 దాకా ఈ అల్ట్రా హై నెట్వర్త్ ఇండివిడ్యువల్స్ సంఖ్య ఏటా 39 శాతం చొప్పున పెరుగుతుందని నైట్ఫ్రాంట్ రిపోర్టు అంచనా వేస్తోంది. అప్పటికి వారి సంఖ్య 19,006కి చేరనుంది. 2016 నాటికి దేశంలోని అల్ట్రా హై నెట్వర్త్ ఇండివిడ్యువల్స్ సంఖ్య 7,401 మాత్రమే.

ఈక్విటీ మార్కెట్ల జోరు, డిజిటల్ టెక్నాలజీల అడాప్షన్లు దేశంలోని అల్ట్రా హై నెట్వర్త్ఇండివిడ్యువల్స్ ఎక్కువవడానికి కారణాలు. సొంతంగా సంపన్నులగా ఎదుగుతున్న యువతీ, యువకుల సంఖ్య దేశంలో బాగా పెరుగుతోంది. ఇలా ఎదిగిన వారు తమ పెట్టుబడులతో ఇనొవేషన్ తీసుకు వచ్చే ఛాన్స్ ఉంటుంది.
- శిశిర్ బైజాల్, ఛైర్మన్, నైట్ఫ్రాంక్ ఇండియా