- 2025 ప్రారంభంలోనే తొలి మేడిన్ ఇండియా చిప్
బెంగళూరు: వచ్చే ఏడాది ప్రారంభంలోనే మొదటి మేడిన్ఇండియా చిప్ లను మైక్రాన్టెక్నాలజీ తీసుకొస్తుందని కేంద్ర మంత్రి అశ్వినీ వైష్ణవ్ తెలిపారు. రాబోయే కాలంలో ప్రపంచానికి భారత్ సెమీకండక్టర్హబ్గా మారనుందని చెప్పారు. ఈ రంగంలోకి భారీ పెట్టుబడులు వస్తున్నాయన్నారు. ఇటీవల న్యూయార్క్లో ప్రపంచంలోనే టాప్ టెక్సీఈవోలతో ప్రధాని మోదీ భేటీ అయిన విషయాన్ని ప్రస్తావించారు.
గత 30–40 ఏండ్లలో ప్రపంచంలోని ఏ దేశంలోనూ ఇంత ఉత్సాహం చూడలేదని 3 కంపెనీల ప్రతినిధులు అన్నారని చెప్పారు. కేంద్రం రూ.1.52 లక్షల కోట్ల పెట్టుబడితో 5 సెమీ కండక్టర్ల తయారీ ప్రతిపాదనలను ఆమోదించింది. ఈ నేపథ్యంలో కేంద్ర మంత్రి అశ్వినీ వైష్ణవ్ఆదివారం మాట్లాడుతూ.. . సీజీ పవర్ సెమీ కండక్టర్ఫెసిలిటీ ఏర్పాటు పనులు కొనసాగుతున్నాయని వెల్లడించారు. అస్సాంలోని టాటా కంపెనీ ఏటీఎంపీ ఫెసిలిటీ పనులు కూడా జరుగుతున్నాయని తెలిపారు.
మోదీ విజన్కు సెమీ కండక్టర్ఇండస్ట్రీ వృద్ధి ఊతం
ప్రధాని మోదీ విజన్కు సెమీ కండక్టర్ఇండస్ట్రీ వృద్ధి ఊతంలా నిలుస్తుందని కేంద్ర మంత్రి అశ్వినీ వైష్ణవ్పేర్కొన్నారు. ‘‘సెమీ కండక్టర్అనేది ఫౌండేషనల్ఇండస్ట్రీ. ఇందులో తయారయ్యే చిప్లు వైద్య పరికరాలు, మొబైల్ఫోన్స్, ల్యాప్టాప్స్, కార్లు, రైళ్లు, టీవీలు.. ఇలా అన్నిచోట్ల వినియోగిస్తారు” అని వివరించారు. సాధారణ పౌరుడికి కూడా టెక్నాలజీని చేరువ చేయడమే కేంద్ర సర్కారు లక్ష్యమని, ఇప్పటివరకూ చేపట్టిన డిజిటల్ ఇండియా మిషన్ అయినా.. టెలికాం మిషన్ అయినా ఇందుకోసమే పనిచేసినట్టు చెప్పారు.
