వరల్డ్ కప్ 2023లో క్రికెట్ అభిమానులు ఎంతో ప్రతిష్టాత్మకంగా భావిస్తున్న ఇండియా, పాకిస్థాన్ మ్యాచ్ అనుకున్నదానికంటే ఒక రోజు ముందుగా 2023 అక్టోబర్ 14కి రీషెడ్యూల్ చేయబడింది. ఈ విషయాన్ని బీసీసీఐ వెల్లడించింది. వాస్తవానికి ఇరు జట్ల మధ్య 2023 అక్టోబర్ 15న మ్యాచ్ జరగాల్సి ఉంది.
అయితే ఆ రోజున నవరాత్రి ప్రారంభం కానుండటంతో తగిన భద్రతను విషయంలో ఒక్క రోజు ముందుకు మార్చినట్లుగా తెలుస్తోంది. ఈ మ్యాచ్ అహ్మదాబాద్‌లోని నరేంద్ర మోదీ స్టేడియంలో మ్యాచ్ జరగనుంది. ఇండియా తమ తొలి ప్రపంచకప్ మ్యాచ్‌ను అక్టోబర్ 8న ఆస్ట్రేలియాతో చెన్నైలో ఆడుతుండగా, పాకిస్థాన్ తొలి రెండు మ్యాచ్‌లు అక్టోబర్ 6 , అక్టోబర్ 12న హైదరాబాద్‌లో ఆడనున్నాయి.
వరల్డ్ కప్ 2023 అక్టోబర్ 5 నుండి నవంబర్ 19 వరకు ఢిల్లీ, ధర్మశాల, అహ్మదాబాద్, హైదరాబాద్, ముంబై, పూణె, బెంగళూరు, లక్నో, చెన్నై, కోల్‌కతాతో సహా 10 వేదికలలో జరుగనుంది.
