ట్రాక్షన్ అనే మార్కెట్ ఇంటెలిజెన్స్ సంస్థ విడుదల చేసిన నివేదిక ప్రకారం ఫిన్టెక్ రంగంలో వచ్చిన నిధుల విషయంలో అంతర్జాతీయంగా భారత్కు మూడో ర్యాంకు దక్కింది. 2023తో పోలిస్తే 2024లో 33 శాతం మేరకు నిధులు తగ్గినా ఈసారి మూడో స్థానం దక్కించుకున్నది. అంతర్జాతీయంగా భౌగోళిక రాజకీయ అనిశ్చితులు ఉండటంతో మొత్తం మీద గిరాకీ తగ్గడంతో ఈ రంగానికీ నిధుల రాక క్షీణించిందని ఈ నివేదిక పేర్కొన్నది.
- 2024లో ఫిన్టెక్ రంగం 1.9 బిలియన్ డాలర్ల మేరకు సమీకరించింది. 2023లో వచ్చిన 2.8 బిలియన్ డాలర్లతో పోలిస్తే ఇవి 33 శాతం తక్కువ. నిధుల సమీకరణ విషయంలో ఈ రంగంలో అమెరికా, బ్రిటన్ తర్వాతి స్థానంలో భారత్ నిలిచింది.
- 2022లో ఫిన్టెక్ రంగం 5.6 బిలియన్ డాలర్లను సమీకరించింది.
- 2024లో మూడో త్రైమాసికంలో 805 మిలియన్ డాలర్లను సమీకరించింది. 2023 ఇదే త్రైమాసికంతో పోలిస్తే ఇది 61 శాతం ఎక్కువ.
- గత ఏడాదిలో వచ్చిన మొత్తం నిధుల్లో ద్వితీయార్థంలో 59 శాతం కనిపించాయి. ఆగస్టులో అత్యధికంగా 434 మిలియన్ డాలర్ల సమీకరణ జరిగింది.
- ఈ రంగంలో 2024లో రెండు కొత్త యూనికార్న్లు ఏర్పడ్డాయి.
