కామన్వెల్త్ కంట్రీస్ అంటే ఒకప్పుడు తెల్లోళ్లు పాలించిన దేశాలని అర్థం. వలస పాలన ముగిశాక ఆ దేశాలన్నీ ఒక గ్రూపులా ఏర్పడ్డాయి. సంబంధాలను కొనసాగించటానికి రెండేళ్లకోసారి కూర్చొని మాట్లాడుకుంటాయి. నాలుగేళ్లకోసారి కలిసి ఆట్లాడుకుంటాయి. అవే కామన్వెల్త్ గేమ్స్. అయితే మన దేశం ఇక ఆ ఆటలకు గుడ్ బై చెప్పాలని ఇండియన్ ఒలింపిక్ అసోసియేషన్ ప్రెసిడెంట్ నరీందర్ బాత్రా ఈమధ్య అన్నారు. ఆయన ఇలా ఫైర్ కావటానికి కారణమేంటి?. ఈ గొడవ ఇప్పుడే తెరపైకి వచ్చిందా? లేక, గతంలోనూ ఉందా?.
కామన్వెల్త్ దేశాల కూటమి పట్ల మనోళ్లు అసంతృప్తి వ్యక్తం చేయటం ఇదే తొలిసారి కాదు. గతంలో అమితవ ఘోష్ అనే రైటర్ ఆ గ్రూపు తీరును వేలెత్తి చూపారు. రీసెంట్గా ఇండియన్ ఒలింపిక్ అసోసియేషన్ ప్రెసిడెంట్ నరీందర్ బాత్రా ఒక్కసారిగా బరస్ట్ కావటం చర్చకు దారి తీసింది. కామన్వెల్త్ గేమ్స్ నుంచి మన దేశం పూర్తిగా బయటికి వచ్చేయాలని ఆయన కుండబద్ధలు కొట్టినట్లు చెప్పటం సంచలనం సృష్టించింది.
గుర్తింపు లేకేనా!
బాత్రా కోపం వెనక బలమైన కారణమే ఉంటుందని అనలిస్టులు అంటున్నారు. కామన్వెల్త్ అసోసియేషన్లో ఇండియాకి గుర్తింపు లేకపోవటం వల్లే ఆయన మండిపడ్డారని చెబుతున్నారు. ‘పాపులేషన్ పరంగా మన దేశమే పెద్ద మెంబర్. దానికి తగ్గట్లు వాళ్లు గౌరవం ఇవ్వట్లేదు. గేమ్స్ నిర్వహణకు 13 కమిటీలు ఉన్నా ఒక్కదాంట్లోకీ మనోళ్లను తీసుకోలేదు. ఎగ్జిక్యూటివ్ బోర్డ్లోనూ ఇండియన్స్ లేరు. అలాంటప్పుడు ఆ సిస్టమ్లో ఉండటం అవసరమా?’ అని బాత్రా అడగటంలో న్యాయం ఉందని సమర్థిస్తున్నారు. బర్మింగ్హామ్లో జరిగే గేమ్స్ నుంచి షూటింగ్ని తప్పించాలనే నిర్ణయం తీసుకున్నప్పుడూ ఆయన ఇలాగే బోల్డ్గా మాట్లాడిన విషయాన్ని గుర్తుచేస్తున్నారు.
ఆటగాళ్ల అభ్యంతరం!
బాత్రా కామెంట్స్ను పలువురు అథ్లెట్లు తప్పుపట్టారు. స్థాయి విషయంలో ఈ ఈవెంట్స్ చెప్పుకోదగ్గవి కావని ఆయన అనటం కొందరు చాంపియన్లను నొప్పించింది. దీంతో వాళ్లు బాత్రా వ్యాఖ్యలను ఖండించారు. ‘కామన్వెల్త్ గేమ్స్లో ఇండియా 70 నుంచి 100 మెడల్స్ సాధిస్తోంది. ఒలింపిక్స్లో ఒకటీ రెండు వద్దే ఆగిపోతోంది. దీన్నిబట్టి ఏ ఆటల లెవలేంటో ప్రత్యేకంగా చెప్పాల్సిన పనిలేదు’ అని బాత్రా అనటంపై సత్యన్‌, విజేందర్‌, కశ్యప్‌, కృష్ణ పూనియా, సతీశ్‌ శివలింగం వంటివారు అభ్యంతరం తెలిపారు.
చారిత్రక తప్పిదమా!!
1929లో లాహోర్లో జరిగిన కాంగ్రెస్ మహాసభల్లో ‘మన దేశం సంపూర్ణ స్వరాజ్యం (కంప్లీట్ ఫ్రీడం) సాధించాలి’ అనే తీర్మానాన్ని ఆమోదించారు. ఇంగ్లిషోళ్ల పాలన నుంచి ఇండియా ఇండిపెండెన్స్ పొందాక కామన్వెల్త్ కూటమిలో చేరకూడదని నిర్ణయం తీసుకున్నారు. 1930లో జరిగిన తొలి రౌండ్ టేబుల్ సమావేశంలో సంపూర్ణ స్వరాజ్యం ప్రాతిపదికన చర్చలు జరపటానికి బ్రిటిష్ ప్రభుత్వం ఒప్పుకోలేదు. దీంతో ఆ మీటింగ్కి కాంగ్రెస్ వెళ్లలేదు. కానీ తర్వాత ఆ తీర్మానంపై రాజీపడక తప్పలేదు. 1947లో తెల్లోళ్ల నుంచి స్వాతంత్ర్యం పొందిన మన దేశం రెండేళ్ల తర్వాత కామన్వెల్త్ దేశాల గ్రూపు నాయకత్వ బాధ్యతను బ్రిటన్కి కట్టబెట్టే ఒప్పందానికి ఒప్పుకుంది.
అమితవ ఘోష్ ఎపిసోడ్
జ్ఞాన్పీఠ్ అవార్డు వచ్చిన తొలి ఇంగ్లిష్ రైటర్ అమితవ ఘోష్ 2001లో కామన్వెల్త్ అలయెన్స్పై అసంతృప్తిని ఓపెన్గానే వెళ్లగక్కారు. తాను రాసిన ‘ది గ్లాస్ ప్యాలెస్’ నవలను కామన్వెల్త్ రైటర్స్ ప్రైజ్ సెలక్షన్స్కి పంపటానికి ఆయన ఒప్పుకోలేదు. ‘కామన్వెల్త్’ అనేదే ఒక ‘ప్రాబ్లమేటిక్ వర్డ్’ అని అమితవ ఘోష్ అప్పట్లోనే మొహమాటం లేకుండా చెప్పేశారు. కామన్వెల్త్ గ్రూపుని ఆయన బ్రిటిష్ వలస పాలనకు వారసత్వంగా వర్ణించారు.
