రాజ్‌‌గిర్ (బీహార్‌): యంగ్‌ స్ట్రయికర్‌ సంగీత కుమారి డబుల్ గోల్స్‌‌తో సత్తా చాటడంతో విమెన్స్‌ ఆసియా చాంపియన్స్‌ హాకీ ట్రోఫీని ఆతిథ్య ఇండియా ఘన విజయంతో ప్రారంభించింది. సోమవారం జరిగిన తమ తొలి మ్యాచ్‌‌లో ఇండియా 4–0తో మలేసియాను చిత్తు చేసింది.
ఎనిమిదో నిమిషంలోనే జట్టుకు తొలి గోల్ అందించిన సంగీత 55వ నిమిషంలో మరో గోల్ కొట్టింది. ప్రీతి దూబే (43వ ని), ఉదితా (44వ ని) తలో గోల్ చేశారు. ఇండియా డిఫెన్స్‌ బలంగా ఉండటంతో మలేసియా ఖాతా కూడా తెరలేకపోయింది.కాగా, టోర్నీ ఆరంభ మ్యాచ్‌‌ను జపాన్‌–సౌత్ కొరియా 2–2తో డ్రా చేసుకోగా.. రెండో పోరులో ఒలింపిక్ సిల్వర్ మెడలిస్ట్ చైనా 15–0తో థాయ్‌‌లాండ్‌‌ను చిత్తు చేసింది. కాగా, మంగళవారం జరిగే తర్వాతి మ్యాచ్‌‌లో సౌత్ కొరియాతో ఇండియా తలపడనుంది.
