హైదరాబాద్లో పర్యటించిన భారత వైమానిక దళ డిప్యూటీ చీఫ్ ఎయిర్ మార్షల్ అశుతోష్ దీక్షిత్ అస్త్రా మార్క్–1 క్షిపణులను తయారీ చేసేందుకు భారత్ డైనమిక్స్ లిమిటెడ్కు అనుమతి ఇచ్చారు. దీంతో 200 అస్ర్తా మార్క్–1 క్షిపణులను ఉత్పత్తి చేసేందుకు భారత వైమానిక దళం ఆమోదించింది.
ఈ క్షిపణి గాలిలోనే శత్రువును హతమార్చుతుంది. దీనిని డిఫెన్స్ రీసెర్చ్ అండ్ డెవలప్మెంట్ ఆర్గనైజేషన్ రూపొందించింది. వీటి ఉత్పత్తికి హైదరాబాద్లోని భారత్ డైనమిక్స్ లిమిటెడ్ ప్రొడక్షన్ ఏజెన్సీగా వ్యవహరిస్తున్నది.
రూ.2,900 కోట్లతో అస్త్రా మార్క్ 1 మిసైళ్ల డెవలప్మెంట్ ప్రాజెక్టుకు 2022–23లోనే రక్షణ శాఖకు చెందిన డిఫెన్స్ ఆక్విజిషన్ కౌన్సిల్ ఆమోదం తెలిపింది. అన్ని పరీక్షలు, అభివృద్ధి పనులు పూర్తయిన తర్వాత ఉత్పత్తికి ఇప్పుడు ఆమోదం లభించింది.
రష్యాకు చెందిన సుఖోయ్–30, తేజస్ల నుంచి శత్రు లక్ష్యాలపైకి ప్రయోగించగలిగేలా అస్త్రా మార్క్ 1 మిస్సైళ్లు ఉంటాయి.
ప్రస్తుతం 130 కిలోమీటర్ల పరిధి గల అస్త్రా మార్క్ 2 క్షిపణిని పరీక్షించేందుకు సిద్ధమవుతున్నది. 300 కిలోమీటర్ల స్ట్రైక్ రేంజ్తో సుదూర శ్రేణి అస్త్రా క్షిపణిని పరీక్షించి అభివృద్ధి చేసేందుకూ ప్రణాళికలు సిద్ధం చేస్తున్నది.
