ధర్మశాలలో కోహ్లీ ఫ్యాన్స్ రెచ్చిపోతున్నారు. కోహ్లీ కోహ్లీ అంటూ జపం చేస్తున్నారు. ఈ రోజు టీమిండియాకు మ్యాచు లేకున్నా, విరాట్ హోమ్ గ్రౌండ్ ఢిల్లీ కాకపోయినా, భారీ ఫాలోయింగ్ ఉన్న బెంగళూరు లో మ్యాచ్ జరగకున్నా విరాట్ పేరు వినిపిస్తుంది. దీనికి కారణం మరోసారి ప్రత్యేకంగా చెప్పకొనవసరం లేదు. ఐపీఎల్ సందర్భంగా కోహ్లీ, నవీన్ ఉల్ హక్ గొడవని విరాట్ ఫ్యాన్స్ సీరియస్ గా తీసుకున్నారు . దిగ్గజ ప్లేయర్ కోహ్లీని అవమానించాడని నవీన్ ఎక్కడికి వెళ్లినా కోహ్లీ ఫ్యాన్స్ అతడిని టార్గెట్ చేస్తున్నారు.
తాజాగా వరల్డ్ కప్ లో కూడా నవీన్ కి కష్టాలు తప్పడం లేదు. వరల్డ్ కప్ లో భాగంగా బంగ్లాదేశ్ మీద ఆఫ్ఘనిస్తాన్ నేడు ప్రారంభ మ్యాచ్ ఆడుతుంది. పంజాబ్ లోని ధర్మశాల వేదికగా జరుగుతున్న ఈ మ్యాచులో బంగ్లా బ్యాటింగ్ చేస్తున్న సమయంలో నవీన్ బౌలింగ్ వేయడానికి వచ్చాడు. ఈ సమయంలో కోహ్లీ ఫ్యాన్స్ నవీన్ మీద రెచ్చిపోయారు. కోహ్లీ, కోహ్లీ అని నినాదాలు చేస్తూ స్టేడియం మొత్తం హోరెత్తించ్చారు. మొదటి రెండు రోజులు తక్కువగా ప్రేక్షకులు రాగా.. ఈ మ్యాచులో సగం స్టేడియం నిండిపోయింది.
- ALSO READ | Asian Games 2023: కుర్రోళ్లు అదరగొట్టారు : చైనా గడ్డపై గోల్డ్ కొట్టిన భారత క్రికెట్ జట్టు
కాగా.. ఆఫ్ఘనిస్తాన్, భారత జట్ల మధ్య ఈ నెల 11 న వరల్డ్ కప్ మ్యాచ్ జరగబోతుంది. ఢిల్లీ ఆతిధ్యమిస్తున్న ఈ మ్యాచు కోహ్లీకి హోమ్ గ్రౌండ్. మరి ఈ మ్యాచులో కోహ్లీ ఫ్యాన్స్ నవీన్ ని ఎక్కువగా టార్గెట్ చేయడం గ్యారంటీగా కనిపిస్తుంది. ఇక ప్రస్తుతం బంగ్లాదేశ్ తో జరుగుతున్న మ్యాచులో ఆఫ్ఘనిస్తాన్ కేవలం 156 పరుగులకే కుప్పకూలిపోయి ఓటమి వైపు పయనిస్తోంది. నవీన్ ఉల్ హక్ కి ఒక వికెట్ దక్కింది.
