గతంలో బ్యాంక్ అకౌంట్ ఓపెన్ చేయాలంటే యుద్ధమే చేయాల్సి వచ్చేది. బ్యాంక్కు వెళ్లి క్యూలో నిలబడి ఫామ్స్ నింపి అప్లికేషన్ పెట్టుకున్నాక.. ఓ రెండు, మూడు రోజుల తర్వాత మన పేరు మీద అకౌంట్ ఓపెన్ అయ్యేది. కానీ ఇప్పుడలా కాదు. ప్రస్తుతం టెక్నాలజీ మారిపోయింది. డిజిటలైజేషన్ వేగంగా అభివృద్ధి చెందుతుండటంతో ఇంట్లో కూర్చొనే ఏ పని అయిన క్షణాల్లోనే చేసే టెక్నాలజీ అందుబాటులోకి వచ్చింది. కావాల్సిన ఫుడ్, కావాల్సిన వస్తువులు ఇంట్లో కూర్చొనే నిమిషాల్లోనే ఆర్డర్లు చేసుకోవడం మనం చూస్తూనే ఉన్నాం.
Also Read :- ఏటీఎం కార్డ్ సైజులో కొత్త స్మార్ట్ రేషన్ కార్డ్స్..!
ఇప్పుడు బ్యాంకింగ్ వ్యవస్థలో కూడా టెక్నాలజీ మారిపోయింది. బ్యాంక్ అకౌంట్ ఓపెన్ చేయాలన్న, మనీ ట్రాన్స్ఫర్ చేయాలన్న, లోన్ అప్లై చేసుకోవాలన్న బ్యాంక్కు వెళ్లకుండానే నిమిషాల్లోనే మనం ఉన్న దగ్గరే చేసుకునే సౌకర్యం అందుబాటులో ఉంది. ఇండియన్ ఓవర్సీస్ బ్యాంక్ కూడా వినియోగాదారుల కోసం ఇలాంటి సదుపాయాన్నే అందుబాటులోకి తీసుకొచ్చింది. ఇన్‌స్టా డిజిటల్ సేవింగ్స్ ఖాతా పేరుతో ఆన్ లైన్లోనే బ్యాంక్ అకౌంట్ ఓపెన్ చేసుకుని విధానాన్ని తీసుకొచ్చింది. ఆధార్ కార్డ్, పాన్ కార్డ్ ఉంటే బ్యాంక్కు వెళ్లకుండానే ఆన్ లైన్లో సేవింగ్స్ అకౌంట్ను ఓపెన్ చేసుకోవచ్చు.
ఆన్ లైన్లో IOB సేవింగ్స్ అకౌంట్ చేయడానికి అర్హతలు:
- చెల్లుబాటు అయ్యే ఆధార్, పాన్ కార్డు ఉండాలి
- ఆధార్ కార్డు, పాన్ కార్డుకు మొబైల్ నెంబర్ లింక్ చేసి ఉండాలి
- వయస్సు 18 సంవత్సరాలు లేదా అంతకంటే ఎక్కువ ఉండాలి
- కస్టమర్లు మరే ఇతర బ్యాంకులో ఆన్ లైన్ సేవింగ్స్ అకౌంట్ కలిగి ఉండరాదు.
- కస్టమర్లు ఒకే ఒక ఇన్‌స్టా డిజిటల్ సేవింగ్స్ ఖాతాను కలిగి ఉండాలి
ఖాతా ఎలా ఓపెన్ చేయాలంటే..?
ఇంటర్ నెట్లో ఇండియన్ ఓవర్సీస్ బ్యాంక్ అధికారిక వైబ్ సైట్ను సంప్రందించాలి. అక్కడ ఇన్‌స్టా డిజిటల్ సేవింగ్స్ అకౌంట్పై క్లిక్ చేయాలి. అనంతరం ఆధార్ కార్డు, పాన్ కార్డు, ఇతర వివరాలు ఎంటర్ చేయాలి. అనంతరం ఆధార్ కార్డ్ రిజిస్టర్డ్ మొబైల్ నెంబర్కు ఓటీపి వస్తుంది. దానిని ఎంటర్ చేసిన తర్వాత మీ పేరు పైన ఇండియన్ ఓవర్సీస్ డిజిటల్ సేవింగ్స్ అకౌంట్ ఓపెన్ అవుతోంది.
- ఈ అకౌంట్ వ్యవధి గరిష్టంగా ఒక సంవత్సరం మాత్రమే ఉంటుంది.
- ఈ డిజిటల్ సేవింగ్స్ అకౌంట్కు కూడా ఫీజులు, ఛార్జీలు వర్తిస్తాయి.
- ప్రతి లావాదేవీకి లావాదేవీ పరిమితి రూ.49,999 ఉంటుంది.
- బ్యాంకుల్లో నగదు ఉపసంహరణకు అనుమతి ఉండదు.
- ఇంటర్నెట్ బ్యాంకింగ్, మొబైల్ బ్యాంకింగ్, IMPS, UPI లావాదేవీలు సౌకర్యాలు ఉంటాయి.
- వినియోగదారులు రూపే క్లాసిక్/ ప్లాటినం డెబిట్ కార్డును పొందుతారు.
