- ఇప్మా ప్రెసిడెంట్ పవన్ అగర్వాల్
హైదరాబాద్, వెలుగు:పేపర్ పరిశ్రమలో కాలుష్యాన్ని తగ్గించడానికి చాలా చర్యలు తీసుకుంటున్నామని, క్లీన్ టెక్నాలజీల వాడకాన్ని పెంచుతున్నామని ఇండి యన్ పేపర్ మానుఫ్యాక్చరర్స్ అసోసియేషన్ (ఇప్మా) ప్రెసిడెంట్ పవన్ అగర్వాల్ పేర్కొన్నారు.
ఇప్మా, కాన్ఫెడరేషన్ ఆఫ్ ఇండియన్ ఇండస్ట్రీ (సీఐఐ) సహకారంతో హైదరాబాద్లో మంగళవారం నిర్వహించిన పేపర్‌‌‌‌‌‌‌‌టెక్ 18వ ఎడిషన్‌ సందర్భంగా అగర్వాల్ మాట్లాడుతూ క్లీన్ టెక్నాలజీల వల్ల కాగితపు పరిశ్రమకు మేలు జరుగుతుందని చెప్పారు. క్లీన్ అండ్ గ్రీన్ టెక్నాలజీల ద్వారా కార్బన్ పాదముద్రను తగ్గించడానికి పరిశ్రమ నిరంతరం ప్రయత్నిస్తోందని చెప్పారు.
తక్కువ శక్తిని వాడుకునేలా పేపర్మిల్లులను అప్గ్రేడ్చేశాయని, టెక్నాలజీలను వాడుతున్నాయని చెప్పారు. నీటి వినియోగాన్ని టన్ను పేపర్‌‌‌‌‌‌‌‌కు 200 క్యూబిక్ మీటర్ల నుంచి 50 క్యూబిక్ మీటర్ల కంటే తక్కువకు తగ్గించాయని అన్నారు. రోజువారీ ఉపయోగంలో ప్లాస్టిక్కు బదులు కాగితం ఉత్పత్తులను ఎక్కువగా స్వీకరించాలని ఆయన ప్రజలను కోరారు.
గ్రీన్‌‌‌‌‌‌‌‌హౌస్ వాయు ఉద్గారాలను తగ్గించడానికి దాదాపు 40 పేపర్ మిల్లులు త్వరలో భారతదేశ కార్బన్ క్రెడిట్ ట్రేడింగ్ స్కీమ్ లో భాగమవుతాయని వెల్లడించారు. గత ఐదేళ్లలో ఇంధన వినియోగం 20శాతం తగ్గిందని పవన్ అగర్వాల్ వివరించారు.
