అమెరికాలో ఇండియన్ స్టూడెంట్ యాక్సిడెంట్ కు గురై కోమాలోకి వెళ్లిన ఘటన తీవ్ర ఆవేదనకు గురి చేసింది. దేశం కాని దేశంలో ఉన్న తమ కూతురుకు యాక్సిడెంట్ అయిందని తెలిసి తల్లిదండ్రులు తల్లడిల్లుతున్నారు. వెంటనే వెళ్లి తమ కూతురును చూసుకోవాలని ఎంత ఆరాటపడినా ఆ తల్లిదండ్రులకు నిరాశే మిగిలింది. వీసా లేకపోవడంతో యూఎస్ వెళ్లలేక, తమ కూతురును చూడలేక తీవ్ర ఆవేదనకు గురవుతున్నారు.
మహారాష్ట్ర సతారా జిల్లాకు చెందిన నీలమ్ షిండే యూఎస్ లోని అమెరికన్ యూనివర్సిటీలో ఫైనల్ ఇయర్ చదువుతోంది. ఇటీవల పది రోజుల క్రితం జరిగిన ఘోర రోడ్డు యాక్సిడెంట్ లో ఆమె తీవ్రంగా గాయపడింది. కాళ్లు చేతులు విరిగి పోవడంతో ఆస్పత్రిలో చేర్పించారు. అయితే మెదడులో తీవ్ర రక్తస్రావం జరగడంతో నీలమ్ కోమాలోకి వెళ్లిపోయింది. దీంతో అత్యవసర మెడికల్ ఎమర్జెన్సీ కింద వీసా మంజూరు చేసేలా చూడాలని ఆమె తండ్రి తనాజీ షిండే ప్రభుత్వాన్ని అభ్యర్థించాడు.
యూఎస్ వీసా విషయంలో అధ్యక్షుడు ట్రంప్ కఠిన నిబంధనలు విధిస్తున్న సమయంలో వీసా మంజూరు ఇబ్బందికరంగా మారింది. దీంతో ఆమె తల్లిదండ్రులలో ఆందోళన నెలకొంది.
నీలమ్ పరిస్థితిపై ఎన్సీపీ నేత సుప్రియా సూలే స్పందించారు. విద్యార్థి తల్లిదండ్రులకు తక్షణమే వీసా వచ్చేలా చూడాలని విదేశాంగ మంత్రి జయశంకర్ దృష్టికి తీసుకెళ్లారు. ఎక్స్ లో పోస్ట్ చేయగా ఆ కుటుంబానికి సహాయం చేస్తామని మంత్రి హామీ ఇచ్చారు. అమెరికా విదేశాంగ శాఖతో మాట్లాడి నీలమ్ పేరెంట్స్ కు వీసా మంజూరు చేయాలని కోరారు.
Student Neelam Shinde has met with an accident in the USA and is hospitalized in a local hospital. Her father, Tanaji Shinde, from Satara, Maharashtra, India, urgently needs to visit his daughter due to a medical emergency. Tanaji Shinde has applied for an urgent visa to the USA…
— Supriya Sule (@supriya_sule) February 26, 2025
నీలమ్ తల్లిదండ్రులకు వీసా మంజూరు చేయడానికి యూఎస్ అంగీకరించింది. మంత్రి సూచనతో మెడికల్ ఎమర్జెన్సీ కింద ఆమె తల్లిదండ్రులకు వీసా ఇస్తామని తెలిపింది.
