ముంబై: టాటా టెక్నాలజీస్ ఐపీఓ (ఇనీషియల్ పబ్లిక్ ఆఫరింగ్) ధరను రూ. 475–500 గా నిర్ణయించారు. ఈ ఐపీఓ నుంచి రూ. 3,042 కోట్లను కంపెనీ సమీకరించనుంది. నవంబర్ 22 నుంచి 24 దాకా సబ్స్క్రిప్షన్కు అందుబాటులో ఉంటుంది. యాంకర్ బుక్ నవంబర్ 21 నుంచే ఓపెన్లో ఉంటుందని టాటా టెక్నాలజీస్ వెల్లడించింది. టాటా గ్రూప్లోని ఏదైనా కంపెనీ నుంచి ఐపీఓ రావడం గత 20 ఏళ్లలో ఇదే మొదటిసారి. ఈ గ్రూప్ నుంచి చివరగా 2004 లో టాటా కన్సల్టెన్సీ సర్వీసెస్ (టీసీఎస్) ఐపీఓకి వచ్చింది.
టాటా టెక్నాలజీస్ ఐపీఓ అంతా ఆఫర్ ఫర్ సేల్ (ఓఎఫ్ఎస్) రూపంలోనే ఉండనుంది. కంపెనీలో ప్రమోటర్గా ఉన్న టాటా మోటార్స్, ఇన్వెస్టర్లు ఆల్ఫా టీసీ హోల్డింగ్స్, టాటా క్యాపిటల్ గ్రోత్ ఫండ్ 1 లు తమ షేర్లను ఆఫర్ ఫర్ సేల్లో ఉంచుతున్నాయి. అంటే, ఐపీఓ డబ్బులో ఒక్క రూపాయి కూడా కంపెనీ అకౌంట్లోకి రాదన్నమాట. టాటా మోటార్స్ 4.63 కోట్ల షేర్లను (11.4 శాతం వాటా), ఆల్ఫా టీసీ హోల్డింగ్స్ 97.17 లక్షల షేర్లు (2.4 శాతం), టాటా క్యాపిటల్ గ్రోత్ ఫండ్ 48.58 లక్షల షేర్లను (1.2 శాతం) ఆఫర్ ఫర్ సేల్ కింద అమ్మనున్నాయి.
రూ.500 వద్ద ఐపీఓ సబ్స్క్రయిబ్ అవుతుందనుకుంటే మొత్తం రూ. 3.042.5 కోట్లను సమీకరించినట్లవుతుంది. ఐపీఓలో 20.28 లక్షల షేర్లను ఉద్యోగుల కోసం, 60.85 లక్షల షేర్లను టాటా మోటార్స్ షేర్హోల్డర్స్ కోసం రిజర్వ్ చేస్తున్నట్లు టాటా టెక్నాలజీస్ వెల్లడించింది. కనీసం 30 షేర్లకు ఇన్వెస్టర్లు బిడ్ వేయాల్సి ఉంటుంది. ఐపీఓ తర్వాత టాటా టెక్నాలజీస్ మార్కెట్ విలువ సుమారు రూ. 20 వేల కోట్లకు చేరుతుందని యాక్సిస్ క్యాపిటల్ అంచనా వేస్తోంది. టాటా టెక్నాలజీస్లోని తన వాటాలో 9.9 శాతాన్ని టీపీజీ రైజ్ క్లైమేట్కు రూ. 1,613.7 కోట్లకు అమ్మేందుకు టాటా మోటార్స్ కిందటి నెలలోనే ఒక ఒప్పందం కుదుర్చుకుంది. గ్లోబల్ ఒరిజినల్ ఎక్విప్మెంట్ మాన్యుఫాక్చరర్లకు అవసరమైన ప్రొడక్ట్ డెవలప్మెంట్, డిజిటల్ సొల్యూషన్స్ను టాటా టెక్నాలజీస్ అందిస్తోంది. ఈ రంగంలో కంపెనీకి 20 ఏళ్ల అనుభవం ఉంది. ముఖ్యంగా ఆటోమోటివ్ ఇండస్ట్రీలో నైపుణ్యం ఈ కంపెనీ సొంతం. నవంబర్30 లేదా డిసెంబర్ 1 టాటా టెక్నాలజీస్ షేర్లను లిస్టింగ్ చేయాలని ప్లాన్ చేస్తున్నారు.
గ్రే మార్కెట్లో డిమాండ్ ఫుల్లు...
మరోవైపు ఐపీఓకి ముందే టాటా టెక్నాలజీస్ షేర్లకు అన్లిస్టెడ్ మార్కెట్లో మంచి డిమాండ్ కనిపిస్తోందని మార్కెట్ నిపుణులు చెబుతున్నారు. ఈ కంపెనీ షేర్లు ఒక్కొక్కటి రూ. 298 ప్రీమియంతో (ఐపీఓ ధర కంటే ఎక్కువ) ట్రేడవుతున్నాయని అంటున్నారు. ఈ గ్రే మార్కెట్ ప్రీమియం ఒక ఇండికేటర్ మాత్రమేనని, ఐపీఓ షేర్లు అదే ధర వద్ద లిస్ట్ అవుతాయని చెప్పలేమని పేర్కొంటున్నారు.
ALSO READ: షాద్నగర్లో బీఆర్ఎస్ను ఓడించి తీరుతాం : వీర్లపల్లి శంకర్
9 వేల మంది ఉద్యోగులు
టాటా టెక్నాలజీస్లో 9 వేల మంది ఉద్యోగులు పనిచేస్తుండగా, గ్రూప్లోని జేఎల్ఆర్ టాటా మోటార్స్ క్యాప్టివ్ క్లయింట్‌గా కొనసాగుతోంది. 2022 లో కంపెనీ రెవెన్యూ 46 శాతం పెరిగింది. ఇంత ఎక్కువ గ్రోత్ను అంతకు ముందు ఎప్పుడూ కంపెనీ రికార్డు చేయలేదు. ఇక ఈ ఏడాదికి చూస్తే రెవెన్యూ, లాభం రెండంకెల గ్రోత్ సాధించినట్లు టాటా టెక్నాలజీస్ సీనియర్ ఆఫీసర్లు గురువారం మీడియాకు చెప్పారు. అంతకుముందు ఏడాదితో పోలిస్తే ఆపరేటింగ్ మార్జిన్లు సైతం 300 బేసిస్ పాయింట్లు మెరుగుపడి 19.2 శాతానికి చేరినట్లు వారు వివరించారు.
