న్యూఢిల్లీ: దేశంలోనే అతిపెద్ద విమానయాన సంస్థ ఇండిగో సెప్టెంబరుతో ముగిసిన మూడు నెలల్లో (క్యూ2) రూ.986.7 కోట్ల నికర నష్టాన్ని చవిచూసింది. విమానాల గ్రౌండింగ్, అధిక ఇంధన ఖర్చులు తీవ్ర ప్రభావం చూపాయి. 2023 సెప్టెంబర్ క్వార్టర్లో ఎయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లైన్ లాభం రూ.188.9 కోట్లుగా ఉంది. విదేశీ మారకద్రవ్య ప్రభావం మినహా ప్రస్తుత ఆర్థిక సంవత్సరం రెండో క్వార్టర్లో ఇండిగో నష్టం రూ.746.1 కోట్లుగా నమోదైందని ఒక ప్రకటనలో తెలిపింది.
సెప్టెంబర్ చివరి నాటికి కంపెనీ దగ్గర 410 విమానాలు ఉన్నాయి. తాజా క్వార్టర్లో ఇంధన ఖర్చులు 12.8 శాతం పెరిగి రూ.6,605.2 కోట్లకు చేరాయి. అంతకుముందు ఏడాది ఇదే కాలంలో రూ.5,856 కోట్లుగా ఉన్నట్టు ఎయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లైన్స్ తెలిపింది. రెండో క్వార్టర్లో ఎయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌క్రాఫ్ట్ ఇంజన్ రెంటల్స్ రూ.195.6 కోట్ల నుంచి రూ.763.6 కోట్లకు పెరిగాయి. మొత్తం ఖర్చులు దాదాపు 22 శాతం పెరిగి రూ.18,666.1 కోట్లకు చేరుకున్నాయి. సెప్టెంబర్ క్వార్టర్లో, ఎయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లైన్ 27.8 కోట్ల మంది ప్రయాణికులకు సేవలు అందించింది. వీరి సంఖ్య వార్షికంగా దాదాపు 6 శాతం పెరిగింది.
