- 863 మందికి మంజూరు చేస్తూ ఉత్తర్వులు జారీ
వరంగల్, వెలుగు: వరంగల్ గీసుగొండలోని కాకతీయ మెగా టెక్స్టైల్ పార్క్ ఏర్పాటు కోసం భూములు ఇచ్చిన 863 మంది రైతులకు ఇందిరమ్మ ఇండ్లు మంజూరు చేస్తూ శనివారం రాష్ట్ర ప్రభుత్వం ఉత్తర్వులు జారీ చేసింది. జూన్ 29న సీఎం రేవంత్రెడ్డి టెక్స్టైల్ పార్క్ సందర్శించిన సందర్భంగా భూములు ఇచ్చిన బాధిత రైతులు తమ కుటుంబాలకు ఇండ్లు, ఉద్యోగావకాశాలు కల్పించాలని కోరారు.
దీనిపై ప్రభుత్వం చొరవ తీసుకోవడంతో ఏకంగా 863 మంది రైతులకు ఒక్కో ఇంటికి రూ.5 లక్షల చొప్పున ఒకేసారి ఇందిరమ్మ ఇండ్లు మంజూరు చేస్తూ ఆర్అండ్బీ సెక్రటరీ డాక్టర్ జ్యోతి బుద్దప్రకాశ్ ఉత్తర్వులు జారీ చేశారు. రైతుల తరపున పరకాల ఎమ్మెల్యే రేవూరి ప్రకాశ్రెడ్డి సీఎంకు కృతజ్ఞతలు తెలిపారు.
