నిజామాబాద్, వెలుగు: ఇందూర్మార్కెట్కమిటీ గంజ్లో పేరొందిన కమీషన్ఏజెంట్బోర్డు తిప్పేశాడు. రైతులు, ఫైనాన్షియర్లకు సుమారు రూ.15 కోట్లు ఇవ్వాల్సి ఉండగా అదృశ్యమయ్యాడు. దీంతో జిల్లాలో కలకలం రేపుతోంది. రక్షణ కోసం లోకల్ కోర్టులో ఐపీ (దివాలా) పిటిషన్దాఖలు చేయగా.. గత నెల 27న ఫస్ట్ హియరింగ్జరిగింది. తదుపరి ఈనెల31కి వాయిదా పడింది. పిటిషన్లో తాను బాకీ ఉన్న 45 మంది పేర్లను పేర్కొంటూ వారి నుంచి రక్షణ కల్పించాలని కోరాడు. ఏండ్ల తరబడి గంజ్లో కమీషన్ఏజెంట్గా వ్యవహరిస్తున్న సదరు వ్యక్తి రైతుల వద్ద నమ్మకం ఏర్పర్చుకొని వ్యాపారం చేస్తున్నాడు.
ఆ నమ్మకంతో నిజామాబాద్, జగిత్యాల జిల్లాలకు చెందిన రైతులు అతనికి రూ.మూడున్నర కోట్ల విలువైన పసుపు అమ్మినట్లు తెలుస్తోంది. ఒకరికి తెలియకుండా మరొకరి నుంచి పసుపు కొనుగోలు చేశాడు. తన వద్ద పసుపు స్టాక్ను చూపి గంజ్లోని 10 మంది పెద్ద ఫైనాన్షయర్ల వద్ద రూ.11 కోట్ల అప్పు తీసుకున్నట్లు సమాచారం. పేమెంట్చేయాల్సిన సదరు ఏజెంట్అందుబాటులో లేడు. షాప్ఓపెన్ చేయకపోవడంతో పాటు ఫోన్చేసినా ఎత్తకపోవడంతో బాధితుల్లో రెండు వారాల నుంచి అనుమానం మొదలైంది. ఇప్పుడు ఐపీ పిటిషన్వేసినట్లు తెలిసి లబోదిబోమంటున్నారు.
