నిజామాబాద్రూరల్, వెలుగు: జాతిపిత మహాత్మాగాంధీ కలలుగన్న సహకార రంగాన్ని కాపాడుకోవాల్సిన బాధ్యత మనందరిపై ఉందని ఇందూరు పరస్పర సహకార పరపతి చక్కెర సంఘం చైర్మన్కొండలసాయిరెడ్డి పేర్కొన్నారు. చక్కెర సంఘానికి ఎండీగా డాక్టర్రవీందర్ బాబు, చీఫ్అగ్రికల్చర్ఆఫీసర్గా సురేందర్రెడ్డి, చీఫ్ ఇంజినీర్గా భూమేశ్వర్, పీఆర్వోగా సాయినాథ్రెడ్డిలని నియమించారు. సోమవారం వీరు తమ విధుల్లో చేరారు.
ఈ సందర్భంగా చైర్మన్ సాయిరెడ్డి మాట్లాడుతూ.. రాష్ట్రంలో రైతురాజ్యాన్ని తీసుకొస్తామని పదేపదే చెప్పే సీఎం కేసీఆర్సహకార రంగాన్ని నిర్లక్ష్యం చేయడం తగదన్నారు. తెలంగాణలోనే ప్రాముఖ్యతను కలిగిన ఎన్సీఎస్ఎఫ్ను రైతులకు అప్పగిస్తే లాభాల బాటలో నడుపుతామన్నారు. ఈ విషయమై ఎన్నిసార్లు ప్రభుత్వానికి విన్నవించినా పట్టించుకునే నాథులు లేరన్నారు.
