ముంబై: ఇండస్ ఇండ్ బ్యాంక్ జూన్2023 తో ముగిసిన క్యూ 1 లో రూ. 2,124 కోట్ల నికర లాభం సంపాదించింది. అంతకు ముందు ఏడాది ఇదే క్వార్టర్తో పోలిస్తే నికర లాభం 32.5 శాతం ఎగసింది. తాజా క్వార్టర్లో బ్యాంకు నెట్ ఇంటరెస్ట్ ఇన్కం కూడా 18 శాతం పెరిగి రూ. 5,863 కోట్లకు చేరింది. కిందటేడాది మొదటి క్వార్టర్లో ఈ ఎన్ఐఐ రూ. 4,125 కోట్లు మాత్రమే. తాజా క్వార్టర్లో ప్రొవిజన్లు, కాంటింజెన్సీలు రూ. 992 కోట్లకు తగ్గాయి.
ఏడాది కిందటి క్వార్టర్లో ఈ ప్రొవిజన్లు రూ. 1,251 కోట్లు. ఇండస్ ఇండ్ బ్యాంక్ ఎసెట్ క్వాలిటీ జూన్ 2023 క్వార్టర్లో నిలకడగా ఉంది. గ్రాస్ఎన్పీఏలు ఈ క్వార్టర్లో 2 శాతం పెరిగి రూ. 5,941 కోట్లకు చేరాయి. నెట్నాన్–పెర్ఫార్మింగ్ ఎసెట్స్ (ఎన్ఎన్పీఏ)లు కూడా స్వల్పంగా ఎగసి రూ. 1,747 కోట్లయ్యాయి. ఇండస్ ఇండ్ బ్యాంక్ క్యాపిటల్ యాడిక్వసీ రేషియో 18.40 శాతానికి చేరింది.
బ్యాంకు ఇతర ఆదాయం తాజా జూన్ క్వార్టర్లో 14 శాతం ఎక్కువై రూ. 2,210 కోట్లయింది. ఫీ ఇన్కం 19 శాతం పెరిగింది. రిజల్ట్స్ ప్రకటన నేపథ్యంలో బీఎస్ఈలో ఇండస్ ఇండ్ బ్యాంక్ షేరు 0.17 శాతం తగ్గి రూ. 1,390.30 వద్ద క్లోజయింది.
