స్వదేశంలో దక్షిణాఫ్రికాతో జరుగుతున్న మూడు వన్డేల సిరీస్‌లో భారత మహిళా ఓపెనర్ స్మృతి మంధాన (Smriti Mandhana) పరుగుల వరద పారిస్తోంది. తొలి వన్డేలో సెంచరీ(117) బాదిన ఈ లెఫ్ట్ ఆర్మ్ బ్యాటర్.. బుధవారం(జూన్ 19) జరుగుతోన్న రెండో వన్డేలోనూ శతకం బాదింది. 120 బంతుల్లో 18 ఫోర్లు, 2 సిక్సర్ల సాయంతో 136 పరుగులు చేసింది. తద్వారా భారత్ తరఫున అత్యధిక వన్డే సెంచరీలు చేసిన దిగ్గజ మహిళా క్రికెటర్ మిథాలీ రాజ్ రికార్డు సమం చేసింది. .
ఇదిలావుంటే, వన్డేల్లో వరుసగా రెండు సెంచరీలు నమోదు చేసిన తొలి భారత మహిళా క్రికెటర్‌గా స్మృతి నిలిచింది. భారత్ తరఫున ద్వైపాక్షిక వన్డే సిరీస్‌లో రెండు సెంచరీలు నమోదు చేసిన తొలి బ్యాటర్ కూడా ఈమెనే.
భారత్ తరఫున అత్యధిక వన్డే సెంచరీలు
- స్మృతి మంధాన: 84 ఇన్నింగ్స్‌ల్లో 7 సెంచరీలు
- మిథాలీ రాజ్: 211 ఇన్నింగ్స్‌ల్లో 7 సెంచరీలు
- హర్మన్‌ప్రీత్ కౌర్: 132 ఇన్నింగ్స్‌ల్లో 6 సెంచరీలు
- పూనమ్ రౌత్: 73 ఇన్నింగ్స్‌ల్లో 3 సెంచరీలు
- తిరుష్ కామిని: 37 ఇన్నింగ్స్‌ల్లో 2 సెంచరీలు
భారీ లక్ష్యం
ఇక మ్యాచ్ విషయానికొస్తే.. టాస్ ఓడి బ్యాటింగ్‌కు దిగిన భారత మహిళా జట్టు నిర్ణీత ఓవర్లలో 3 వికెట్లు కోల్పోయి 325 పరుగులు చేసింది. మంధాన(136), హర్మన్‌ప్రీత్ కౌర్(103 నాటౌట్) ఇద్దరు సెంచరీలు చేశారు. షఫాలీ వర్మ(20), దయాళన్ హేమలత(24), రిచా ఘోష్ (25 నాటౌట్) పరుగులు చేశారు.
Wow, Bengaluru treated to some onslaught as captain Harmanpreet Kaur joins the century party!
— ESPNcricinfo (@ESPNcricinfo) June 19, 2024
India finish at 325-3, their third highest in ODIs 💥#INDvSA pic.twitter.com/zsDQR6N1c7
