ఎన్విరాన్మెంటల్ పెర్ఫార్మెన్స్ ఇండెక్స్(ఈపీఐ) దేశాల పర్యావరణ స్థితిగతులను అంచనా వేసే గ్లోబల్ ర్యాంకింగ్ సిస్టమ్. వరల్డ్ ఎకనామిక్ ఫోరమ్ ఎన్విరాన్మెంట్ సస్టయినబిలిటీ ఇండెక్స్ను 2022లో ప్రవేశపెట్టింది. ఈ సూచీని యేల్ సెంటర్ ఫర్ ఎన్విరాన్మెంటల్ లా అండ్ పాలసీ, కొలంబియా సెంటర్ ఫర్ ఇంటర్నేషనల్ ఎర్త్ సైన్స్ ఇన్ఫర్మేషన్ నెట్వర్క్ సహకారంతో ప్రతి రెండు సంవత్సరాలకు ఒకసారి ప్రచురిస్తారు.
2024 సూచీలో 180 దేశాల్లో భారత్ 176వ స్థానంలో నిలిచింది. ఆ తర్వాత స్థానంలో పాకిస్తాన్, వియత్నాం, లావోస్, మయన్మార్లు ఉన్నాయి. ఉద్గారాలను తగ్గించడంలోనూ పర్యావరణ సుస్థిరతను కాపాడటంలోనూ భారతదేశం మెరుగుపడాల్సిన అవసరం ఉందని ఈ సూచీ తెలియజేస్తుంది.
జీవవైవిధ్యం, గాలి కాలుష్యం, గాలి, నీటి నాణ్యత, వ్యర్థాల నిర్వహణ, ఉద్గారాల వృద్ధి రేట్లు మొదలైన వాటితో సహా 58 ప్రమాణాల ఆధారంగా ఈ సూచీని రూపొందించారు. 2024 పర్యావరణ పనితీరు సూచీలో ఎస్తోనియా మొదటి స్థానంలో ఉండగా, ఫిన్లాండ్, గ్రీస్, తైమూర్ లెస్టే, యూకే ఆ తర్వాతి స్థానాల్లో ఉన్నాయి. 2050 నాటికి నికర సున్నా కార్బన్ ఉద్గారాలను సాధించడానికి అవసరమైన రేటుతో జీహెచ్జీ ఉద్గారాలను తగ్గించాలి.
