ప్రపంచంలో సోషల్ మీడియా రాజ్యం ఏలుతుంది. ఏ మూల ఏ చిన్న ఘటన జరిగినా క్షణాల్లో వైరల్ అవడం.. జనాలు కామెంట్లు చేయడం.. పోస్టులు పెట్టడం సాధరణమైంది. ఇప్పుడు తాజాగా ఓ కోతికి సంబంధించిన వీడియో వైరల్ కాగా .. నెటిజన్లు.. కోతుల తెలివికి ట్యాక్స్ విధిస్తారా అంటూ ఫన్నీగా కామెంట్ చేశారు..
కోతి బుద్దులు... కోతి చేష్టలు అంటారు. కొంతమంది అలాంటి కోతిని హనుమంతుడిగా భావించి పూజలు చేస్తుంటారు. జనాలకు ఎంత చెప్పినా.. ఎటు వెళ్లాలో తెలియక పోతే అలాంటి వారికి ఎర్ర బస్సెక్కి వచ్చావా అని ప్రశ్నిస్తుంటారు. కాని ఇప్పడు చెప్పబోయే వార్తలో ఓ కోతి దెబ్బతగిలింది. ఇక వెంటనే మందు కోసం ఓ మందులషాపులోకి దూరింది. ఆ షాపు యజమాని మందు వేస్తున్న సోషల్ మీడియాలో వైరల్ అయింది.
వీడియో కనిసిస్తున్న కోతి ఫార్మసీ షాపులోకి వెళ్లి కూర్చుంది. ఆ కోతి గాయంతో బాధపడుతున్నట్లు గమనించిన ఆ షాపు యజమాని గాయమైన కోతికి చికిత్స చేశాడు. ఓ చిన్న కోతి నిశ్శబ్దంగా కూర్చుని ఉంది. కోతికి తగిలిన గాయానికి లేపనం రాసి, దానికి మెల్లగా కట్టు కట్టారు. ఈ ఘటన బంగ్లాదేశ్‌లోని మెహెర్‌పూర్‌లో జరిగింది. ఈ వీడియో సోషల్ మీడియాలో వైరల్ కావడంతో నెటిజన్లు స్పందించారు. అయితే, ఈ వీడియో ఆన్‌లైన్‌లో చాలా మంది హృదయాలను తాకింది.
కొంతమంది కోతి మేధస్సును చూసి ఆనందిస్తూ.. మర్కటాలు చాలా తెలివైనవి.. వీటికి కూడా త్వరలో ట్యాక్స్ విధిస్తారని ఫన్నీ కామెంట్ చేశారు. మరికొంతమంది మనుషులకు.. జంతు రాజ్యానికి ఉన్న కరుణ గురించి స్పందించారు. ఇంకొకరు జంతువులు దయచూపే వారి దగ్గరకు వెళతాయి.. అలా దేవుడే అలాంటి వారి దగ్గరకు వెళ్లేలా మంచి మార్గంలో నడిపిస్తాడని కామెంట్ చేశారు. ఫార్మసీ షాపు వారి ధైర్య సాహసాలకు హ్యాట్సాఫ్ అంటూ.. అడవి కోతి ప్రమాదకరమైంది.. అయినా సహాయం చేశారు అని పోస్ట్ పెట్టారు. కోతులు మనకంటే తెలివైనవి.. అందుకే దెబ్బ తగిలితే ఫార్మసీ షాపునకు వచ్చిందని చమత్కారంగా రాశాడు.
సోషల్ మీడియాలో వైరల్ అవుతున్న కోతికి సంబంధించిన వీడియో బెంగాల్ టైగ్రెస్ అనే యూజర్ ఇన్‌స్టాగ్రామ్‌లో pia.bengaltigress ఖాతాలో పోస్ట్ చేశారు. ఈ వీడియోకు .. ఇది చాలా ముద్దుగా ఉంది. వాళ్ళు అతనితో ఎలా మాట్లాడుతున్నారో నాకు చాలా ఇష్టం... అని క్యాప్షన్ రాశారు. ఈ వీడియోకు ఇప్పటి వరకు ( వార్త రాసే సమయానికి) 810 వీక్షణలు పొందింది.
