గోదావరిఖని, వెలుగు: గోదావరిఖనిలో సింగరేణి ఓపెన్‌ కాస్ట్‌ ప్రాజెక్ట్‌ –5లో మైనింగ్‌ పనులు పర్యావరణానికి విఘాతం కలిగిస్తున్నాయని సామాజిక కార్యకర్త మద్దెల దినేశ్వేసిన పిటిషన్‌‌పై మంగళవారం హైకోర్టులో విచారణ జరిగింది. ఎన్విరాన్‌‌మెంట్‌ క్లియరెన్స్‌, పొల్యూషన్‌ కంట్రోల్‌ బోర్డు రూల్స్కు విరుద్ధంగా నడిపిస్తూ ప్రజలకు ఇబ్బందులు కలిగిస్తున్నారని ఆయన పిటిషన్‌‌లో పేర్కొన్నారు.
అవసరమైన చర్యలు తీసుకుంటున్నామని సింగరేణి తరఫున లాయర్‌ వాదించారు. ఈ కేసులో డైరెక్టర్‌ జనరల్‌ ఆఫ్‌ మైన్స్‌ సేఫ్టీ(డీజీఎంఎస్‌)ను ఇంప్లీడ్‌ చేయగా వారు ఈ విషయమై విచారణ చేసి ఆగస్టు 16లోపు కౌంటర్‌ దాఖలు చేయాలని కోర్టు ఆదేశాలు జారీ చేసింది.
