- ఆరోపణలు రుజువైతే చర్యలు
చిలప్ చెడ్, వెలుగు : మెదక్ జిల్లా చిలప్చెడ్ పోలీస్స్టేషన్లో ఏఎస్ఐ సుధారాణి సూసైడ్ అటెంప్ట్ చేసుకున్న ఘటనపై గురువారం నర్సాపూర్ సీఐ జాన్రెడ్డితో కలిసి తూప్రాన్ డీఎస్పీ వెంకట్రెడ్డి విచారణ జరిపారు. ఎస్ఐ యాదగిరి డ్యూటీ విషయంలో మానసికంగా వేధించడం వల్లే తాను సూసైడ్ అటెంప్ట్ చేసినట్లు బాధితురాలు సుధారాణి సూసైడ్ లెటర్లో రాసిన సంగతి తెలిసిందే.
ఈ క్రమంలో ఎస్ఐతో పాటు స్టేషన్లో పని చేసే ఇతర సిబ్బందితో ఆయన మాట్లాడారు. కాగా, సుధారాణి చేసిన ఆరోపణలపై సమగ్ర విచారణ జరిపి ఎస్పీకి నివేదిక అందజేస్తామని చెప్పారు. ఆరోపణలు రుజువైతే ఎస్ఐపై శాఖాపరమైన చర్యలు ఉంటాయని డీఎస్పీ తెలిపారు.
