ఉప్పల్, వెలుగు: అక్రమ నిర్మాణాలపై ఉప్పల్ ఎమ్మెల్యే ఆగ్రహంతో టౌన్ ప్లానింగ్ అధికారులు రంగంలోకి దిగారు. అక్రమ కట్టడాలకు సహకరించిన ఉప్పల్ ఏసీపీ(అసిస్టెంట్ సిటీ ప్లానర్) వెంకట్ రమణపై ఎంక్వైరీకి ఆదేశించినట్టు బల్దియా అధికారులు తెలిపారు. బుధవారం హబ్సిగూడ స్ట్రీట్ నెంబర్. 8 సిగ్నల్ వద్ద అక్రమ నిర్మాణాలను కూల్చివేశారు. అక్రమ కట్టడాలను ప్రోత్సహించిన టౌన్ ప్లానింగ్ ఏసీపీపై మంగళవారం ఉప్పల్ ఎమ్మెల్యే బండారు లక్ష్మారెడ్డి ఫైర్ అయినది తెలిసిందే. ఉప్పల్ భగాయత్ లో పర్మిషన్ లేకుండా ఎన్ని అక్రమ కట్టడాలు నిర్మించారనే దానిపై వెంటనే రిపోర్టు ఇవ్వాలని ఆయన అధికారులు ఆదేశించారు.
