ఇల్లెందు, వెలుగు : ఇల్లెందు పట్టణంలోని విత్తన దుకాణాల్లో సోమవారం ఇంటర్నల్ స్క్వాడ్ బృందం ఆకస్మికంగా తనిఖీలు నిర్వహించింది. ఈ సందర్భంగా కొత్తగూడెం డివిజన్ వ్యవసాయ సహాయ సంచాలకుడు డి.రమేశ్ మాట్లాడారు. విత్తనాలను బ్లాక్ చేస్తున్నట్టు కానీ, ఎంఆర్పీ కన్నా అధిక రేట్లలకు అమ్ముతున్నట్లు కంప్లైంట్ కానీ వస్తే ఆ వ్యక్తి డీలర్షిప్ రద్దు చేస్తామని హెచ్చరించారు. గ్రామాలకు వచ్చి ఎవరైనా విత్తనాలు అమ్మితే తీసుకోవద్దని రైతులకు సూచించారు. లైసన్స్ఉన్న షాపుల్లోని విత్తనాలు కొనుగోలు చేయాలని, తప్పనిసరిగా బిల్లులను తీసుకోవాలని చెప్పారు. ఆయన వెంట మండల వ్యవసాయ అధికారి పి.సతీశ్ ఉన్నారు.
జూలూరుపాడు : జూలూరుపాడు మండలంలోని వెంగన్నపాలెం, కొమ్ముగూడెం, గుండెపూడిలోని పలు విత్తన షాపులను టాస్క్ఫోర్స్, వ్యవసాయశాఖ లఅధికారులు సోమవారం తనిఖీ చేశారు. స్టాక్ వివరాలను పరిశీలించారు. వివరాలను తప్పనిసరిగా బోర్డులపై ప్రదర్శించాలని సూచించారు. నాసిరకం విత్తనాలు అమ్మితే పీడీ యాక్ట్ లు నమోదు చేస్తామని హెచ్చరించారు. తనిఖీల్లో ఇల్లెందు ఏడీఏ వాసవి రాణి, ఏవో రఘు దీపిక పాల్గొన్నారు.
