హైదరాబాద్లో వరుస ఆహార కల్తీ ఘటనల నేపథ్యంలో ఫుడ్ సేఫ్టీ అధికారులు దూకుడు పెంచారు. ఈ క్రమంలోనే ఆదివారం (నవంబర్ 10) ఉదయం హబ్సిగూడ, నాచారంలోని పలు చోట్ల ఫుడ్ సేఫ్టీ అధికారుల ముమ్మరంగా తనిఖీలు చేపట్టారు. హబ్సిగూడలోని సీసీఎంబీ క్యాంటీన్లో తనిఖీలు చేసిన అధికారులు.. ఫుడ్ సేఫ్టీ లైసెన్స్ లేకుండానే హోటల్ నిర్వహిస్తున్నట్లు గుర్తించారు. కిచెన్లో బొద్దింకలు, ఎలుకలు తిరగడం చూసి అధికారులు షాక్ అయ్యారు. కాలం చెల్లిన ఫుడ్ ఇంగ్రిడియెంట్స్తో వంటకాలు చేస్తున్నట్లు గుర్తించారు.
నాచారంలోని మను కిచెన్ రెస్టారెంట్, శ్రీ సుప్రభాత హోటల్ల్లోనూ అధికారులు తనిఖీలు చేశారు. కుళ్ళిపోయిన టమాటో, పొటాటో, ఎక్స్పైర్ అయిన పన్నీర్, మష్రూమ్ ప్యాకెట్లను గుర్తించి.. హోటల్ యజమాన్యాలకు వార్నింగ్ ఇచ్చారు. నిబంధనలకు విరుద్ధంగా వ్యవహరిస్తే కఠిన చర్యలు తీసుకుంటామని హెచ్చరించారు. ప్రజల ఆరోగ్యాలతో చెలగాటమాడొద్దని సూచించారు.
