ఈ ఫీచర్ ద్వారా ఫ్రెండ్ లేదా గ్రూప్ చాట్కు స్పెషల్గా షేర్ చేసుకునే రీల్స్ ఫీడ్ను అందిస్తుంది. యూజర్లు ఇప్పుడు తమ ఫ్రెండ్స్తో ప్రైవేట్, కస్టమైజ్డ్ రీల్స్ ఫీడ్ను షేర్ చేసుకోవచ్చు. ఈ ఫీచర్ ఇన్స్టాగ్రామ్ డైరెక్ట్ మెసేజ్ల (డిఎమ్స్) లానే ప్రైవేట్ అని కంపెనీ చెప్తుంది. దీని ద్వారా మీరు, మీ ఫ్రెండ్స్ చూస్తున్న వేర్వేరు రీల్స్ అన్నీ కలిసిపోయి ఒక ‘షేర్డ్ కస్టమ్ రీల్స్ ఫీడ్’గా తయారవుతుంది. అంటే మీ ఫ్రెండ్ ఇన్స్టాగ్రామ్ యాక్టివిటీ ఆధారంగా రీల్స్ లిస్ట్ రెడీ అవుతుంది. దీని ప్రత్యేకత ఏంటంటే.. ఇన్స్టాగ్రామ్ బ్లెండ్ గ్రూప్లోని వాళ్ల ఇష్టాల ఆధారంగా రీల్స్ను అరేంజ్ చేసి చూపిస్తుంది. దీంతో బ్లెండ్ను ఓపెన్ చేసినప్పుడల్లా కొత్త రీల్స్ చూడొచ్చు. అందులోని ఫీడ్ మీ ఫ్రెండ్స్కు ఇష్టాలను తెలియజేస్తుంది. మామూలుగా ఏదైనా రీల్ నచ్చితే ఫ్రెండ్స్కి షేర్ చేస్తుంటారు. బ్లెండ్ ఫీచర్ వచ్చింది కాబట్టి ఇక ఆ అవసరం ఉండకపోవచ్చు.
ఎలా వాడాలంటే..
ఇన్స్టాగ్రామ్లోని ఒక డిఎమ్ చాట్ను ఓపెన్ చేయాలి. పైన ఉన్న బ్లెండ్ ఐకాన్ మీద ట్యాప్ చేయాలి. తర్వాత ఇన్వైట్ అనే ఆప్షన్ ద్వారా ఫ్రెండ్స్కు ఇన్విటేషన్ పంపాలి. అవతలి వాళ్లు దాన్ని యాక్సెప్ట్ చేయగానే బ్లెండ్ షేర్డ్ ఫీడ్ యాక్టివ్ అవుతుంది. ఇద్దరు యూజర్లూ బ్లెండ్లో జాయిన్ కాగానే డిఎమ్ ద్వారా షేర్ చేసిన ఏదైనా రీల్ బ్లెండ్ ఫీడ్లో ఆటోమెటిక్గా అప్డేట్ అవుతుంది. అంతేకాకుండా ఆ చాట్లో ఉన్నవాళ్లంతా ఆ బ్లెండ్ రీల్స్ ఫీడ్ను ఎప్పుడైనా మళ్లీ చూసుకోవచ్చు. బ్లెండ్లోని ప్రతి రీల్తోపాటు అది ఎవరికి కనిపించాలో వాళ్ల పేరు కూడా ఉంటుంది. యూజర్లు రీల్స్ చూస్తున్నప్పుడు కింద ఉన్న మెసేజ్ బార్ నుంచి చాట్ చేయొచ్చు. ఎమోజీలతో కూడా రెస్పాండ్ అవ్వొచ్చు. ఇప్పటికైతే డిఎమ్స్లో వాడొచ్చు. ప్రతి బ్లెండ్ చాట్ ఒక్కొక్కటి స్పెషల్గా క్రియేట్ అవుతుంది.
