- రైల్వే ట్రాక్ పై వీడియో తీస్తుండగా ఢీకొట్టిన ట్రైన్... మదర్సా స్టూడెంట్ మృతి
సికింద్రాబాద్, వెలుగు : ఇన్స్టాగ్రామ్లో అప్లోడ్ చేయాలని రైల్వే ట్రాక్ పక్కన వీడియోలు తీస్తుండగా రైలు ఢీకొని మదర్సాలో చదివే ఓ విద్యార్థి ప్రాణాలొదిలాడు. రైల్వే పోలీసుల కథనం ప్రకారం..హైదరాబాద్రహ్మత్నగర్ శ్రీరామ్నగర్కు చెందిన మహ్మద్ సర్ఫరాజ్(16) అదే ప్రాంతంలోని మదర్సాలో చదువుతున్నాడు. ఇతడికి వీడియోలు తీసి ఇన్స్టాగ్రామ్లో అప్లోడ్ చేయడం అలవాటు. సర్ఫరాజ్ మరో ఇద్దరు ఫ్రెండ్స్తో కలిసి శుక్రవారం సనత్నగర్ రైల్వే ట్రాక్పై వీడియోలు తీసేందుకు వెళ్లాడు.
ట్రాక్పై సర్ఫరాజ్ ట్రైన్ కంటే ముందు పరుగెత్తుతుండగా మరో ఇద్దరు వీడియోలు తీస్తున్నారు. ఇదే టైంలో అటుగా వచ్చిన రైలు ఢీకొనడంతో సర్ఫరాజ్ తీవ్రంగా గాయపడి అక్కడికక్కడే చనిపోయాడు. రైల్వే పోలీసులు సంఘటనా స్థలానికి చేరుకుని డెడ్బాడీని మార్చురీకి తరలించారు. వారి సెల్ఫోన్ను స్వాధీనం చేసుకున్నారు.
