ఇన్స్టాగ్రామ్ రీల్స్ను మెటా 2020లో ప్రారంభించింది. అప్పటివరకు టిక్టాక్ షార్ట్ వీడియో యాప్ పాపులర్గా ఉండేది. జూన్ 2020లో ఇండియా గవర్నమెంట్ టిక్టాక్ను బ్యాన్ చేసింది. సరిగ్గా ఆ టైంలోనే ఇన్స్టా వచ్చింది. ఇన్స్టా రీల్స్లో 60 సెకండ్ల నిడివి గల వీడియోలు చేయొచ్చు. వాటిని ఇన్స్టా ఎక్స్ప్లోర్ పేజీలో పోస్ట్ చేయొచ్చు. ఒకరకంగా చెప్పాలంటే టిక్టాక్ ఇన్స్పిరేషన్తో మెటా తయారుచేసిన ఇన్స్టా యాప్లో షార్ట్ వీడియోలు ఫాస్టెస్ట్ గ్రోయింగ్ కంటెంట్ అయ్యాయి.
అలాగే రీల్స్ చేసేవాళ్లకు ఇది ఆదాయ మార్గం కూడా అయింది. ఇప్పటివరకు ఫొటో, వీడియోలు షేర్ చేసే ఛాన్స్ ఉన్న ఈ యాప్లో ఇకనుంచి రీల్స్ డౌన్లోడ్ చేసుకోవచ్చు. ఆరాంగా మీకు ఖాళీ టైం దొరికినప్పుడే వాటిని చూసే అవకాశం ఉంది. అంతేకాదు ఈ యాప్లో లేని ఫ్రెండ్స్కి కూడా వాటిని షేర్ చేయొచ్చు. ఇన్స్టాలోని రీల్స్ను ఆండ్రాయిడ్ లేదా ఐ ఫోన్లలో ఎలా డౌన్లోడ్ చేసుకోవాలంటే...
- స్మార్ట్ ఫోన్లో ఇన్స్టాగ్రామ్ యాప్ ఓపెన్ చేయాలి.
- ఏ రీల్ అయితే సేవ్ చేయాలనుకుంటున్నారో దాన్ని ఓపెన్ చేయాలి. ఆ రీల్ మీద ఉన్న షేర్ ఐకాన్ మీద క్లిక్ చేయాలి.
- యువర్ స్టోరీలో ఆ రీల్స్ యాడ్ చేయాలి.
- తరువాత ప్రివ్యూను జూమ్ చేసి వీడియో పైన ఉన్న మూడు చుక్కల మెనుని క్లిక్ చేయాలి. ఆ తరువాత సేవ్ ఆప్షన్ క్లిక్ చేయాలి.
- ఆ తరువాత స్టోరీని తీసేయాలి.
డౌన్లోడ్ చేసుకున్న రీల్ను కెమెరా రోల్లో చూడొచ్చు. డౌన్లోడ్ చేసిన రీల్ మీద ఇన్స్టాగ్రామ్ వాటర్మార్క్ ఉండదు. ఆ అకౌంట్ యూజర్నేమ్ ఉంటుంది. ప్రస్తుతానికి పబ్లిక్ అకౌంట్స్లో షేర్ చేసిన రీల్స్ మాత్రమే డౌన్లోడ్ చేసుకునే అవకాశం ఉంది. ప్రైవేట్ ఇన్స్టాగ్రామ్ అకౌంట్లో షేర్ చేసిన వీడియోలను డౌన్లోడ్ చేయడం కుదరదు. అలాగే పబ్లిక్ అకౌంట్లో ఉన్న రీల్స్ మరెవరు డౌన్లోడ్ చేసుకోవడం ఇష్టం లేకపోతే యాప్ సెట్టింగ్స్లో ఆ చాయిస్ను డిసేబుల్ చేసుకోవచ్చు.
ఎయిర్డ్రాప్తో షేరింగ్ ఈజీ!
ఎయిర్డ్రాప్ ఉంటే ఐఓఎస్ 17 లో ఒక్క ట్యాప్‌‌తో ఫోటోలు, వీడియోలు షేర్ చేసుకోవచ్చు. యాపిల్ ఈ మధ్య రిలీజ్ చేసిన ఐఫోన్ మోడల్లో ఐఓఎస్17 ఉంది. ఈ లేటెస్ట్ అప్డేట్లో స్మార్ట్ఫోన్స్కు చాలా కొత్త ఫీచర్లు వచ్చేశాయి. అలాగే ఆపరేటింగ్ సిస్టమ్ కూడా చాలా మెరుగుపడింది. మరీముఖ్యంగా ఇందులో తెలుసుకోవాల్సిన అప్డేట్ ఒకటి ఉంది. అదే ఎయిర్డ్రాప్. దాని ద్వారా ఇక మీదట ఫైల్స్ షేర్ చేసుకోవడం చాలా ఈజీ అన్నమాట.
ఇప్పటివరకు అయితే యాపిల్ ఫోన్ నుంచి ఫైల్, ఇమేజ్, వీడియో షేరింగ్ చేయాలంటే నెట్వర్క్ షేరింగ్ కనెక్షన్ అవసరం. కానీ ఇప్పుడు ఐఓఎస్17 అప్డేట్ చేశాక మీ ఐఫోన్ను మరో ఐఫోన్ దగ్గరగా పెడితే చాలు సింగిల్ టచ్తో మీడియాల ఫైల్స్ స్పీడ్గా షేర్ అవుతాయి.
ఐఓఎస్ 17కి అప్డేట్ అయిన అన్ని ఐఫోన్స్లో ఈ షేరింగ్ సిస్టమ్ అందుబాటులో ఉంది. అలాగని సెక్యురిటీ ప్రాబ్లమ్ గురించి ఆలోచించాల్సిన అవసరంలేదు. ఎందుకంటే ఫోన్ సెట్టింగ్స్ కంట్రోల్ మీ చేతిలోనే ఉంటుంది. ఎయిర్డ్రాప్ ఫీచర్ మీ ఫోన్లో ఎనేబుల్ అయిందో లేదో చూడాలంటే ఐఫోన్ కమాండ్ సెంటర్ ద్వారా చేసుకోవచ్చు.
ఐఓఎస్17లో ఎయిర్డ్రాప్ ద్వారా ఫోటోలు, వీడియోలు ఇలా షేర్ చేయాలి...
- మీ ఐ ఫోన్ ఐఓఎస్17 వెర్షన్‌‌కి అప్డేట్ అయిందా, లేదా చూడాలి. ఇప్పుడున్న ఐఓఎస్ వెర్షన్ 17.0.2.
- సెట్టింగ్‌ క్లిక్ చేసి, జనరల్– ఎయిర్డ్రాప్ క్లిక్ చేయాలి.
- బ్రింగింగ్ డివైసెస్ టుగెదర్ అనే ఆప్షన్ క్లిక్ చేస్తే రెండు ఫోన్ల మధ్య కనెక్షన్ ఏర్పడుతుంది.
- ఫొటో యాప్ ఓపెన్ చేసి మీరు షేర్ చేయాలనుకుంటున్న ఫోటో లేదా వీడియో సెలక్ట్ చేసుకోవాలి.
- తరువాత ఐఫోన్ను మీరు షేర్ చేయాలనుకున్న ఐఫోన్ దగ్గర పెట్టి షేర్ బటన్ క్లిక్ చేయాలి. అంతే మీరు ఫైల్స్ ఎయిర్డ్రాప్ ఫీచర్ ద్వారా ఆ ఫోన్కి షేర్ అవుతాయి.
