–ఇన్స్టిట్యూట్ ఫర్ ఎకనామిక్స్ అండ్ పీస్ సంస్థ 2023 సంవత్సరానికిగాను గ్లోబల్ పీస్ ఇండెక్స్ – 2023ను విడుదల చేసింది. 163 దేశాలతో కూడిన ఈ జాబితాలో ప్రపంచంలో అత్యంత శాంతియుతమైన దేశంగా ఐస్లాండ్ (స్కోర్ 1.124) మొదటి స్థానంలో నిలిచింది.
2008 నుంచి ఐస్లాండ్ ఈ జాబితాలో మొదటి స్థానంలో కొనసాగుతోంది. రెండో స్థానంలో డెన్మార్క్ (1.31), మూడో స్థానంలో ఐర్లాండ్ (1.312), నాలుగో స్థానంలో న్యూజిలాండ్ (1.313), ఐదో స్థానంలో ఆస్ట్రియా (1.316) నిలిచాయి. ఈ జాబితాలో 3.448 స్కోర్తో ఆఫ్ఘనిస్థాన్ చివరిస్థానంలో నిలిచింది. యెమెన్, సిరియా, సౌత్ సూడాన్, డెమొక్రాటిక్ రిపబ్లిక్ ఆఫ్ కాంగోతోపాటు మరో నాలుగు తక్కువ శాంతియుత దేశాల జాబితాలో చేరాయి. గ్లోబల్ పీస్ ఇండెక్స్(జీపీఐ)–2023లో భారత్ 2.314 స్కోర్తో 126వ స్థానంలో ఉంది.
