పిట్టకొంచెం కూత ఘనమంటే ఇదే.. క్యూట్​ కష్వీ

‘పిట్టకొంచెం కూత ఘనం’.. అనే సామెత ఈ చిన్నారికి సరిగ్గా సరిపోతుంది. డాన్స్, సాంగ్స్, యాక్టింగ్​ స్కిల్స్​తో మెస్మరైజ్ చేస్తుంది ఈ చిచ్చరపిడుగు. ప్రస్తుతం సమంత, వరుణ్​ ధావన్ నటించిన సిటాడెల్​ : హనీ బన్నీ వెబ్​ సిరీస్​లో చైల్డ్​ ఆర్టిస్ట్​గా కనిపించింది. చేసింది చిన్న పాత్రే అయినా అది పవర్​ఫుల్ పాత్ర కావడంతో, తనకు ఉన్న లిమిటెడ్ సీన్స్​లో కూడా తనదైన శైలిలో నటించి గుర్తింపు తెచ్చుకుంటోంది. తనెవరో కాదు.. ఈ సిరీస్​లో ప్రియాంక చోప్రా(నాడియా) చిన్నప్పటి పాత్రలో నటించిన కష్వీ మజ్మున్​దార్​. ఈనెల 14న (గురువారం) చిల్డ్రన్స్ డే సందర్భంగా ఈ క్యూట్ చైల్డ్​ ఆర్టిస్ట్​ గురించి ఇంట్రెస్టింగ్ విశేషాలు ఇవి. 

కష్వీమజ్మున్​దార్.. ఆస్ట్రేలియాలో ఉండే ఇండియన్ ఫ్యామిలీలో పుట్టింది. తనకు నెలల వయసున్నప్పుడే 2022లో వాళ్ల ఫ్యామిలీ దుబాయ్​కి షిఫ్ట్​ అయింది. ప్రస్తుతం తన వయసు ఎనిమిదేండ్లు. కష్వీకి చిన్నప్పటి నుంచి డాన్స్ అంటే విపరీతమైన ఇష్టం. దాంతో ఊహ తెలిసినప్పటి నుంచే స్టేజ్​ షోల్లో పార్టిసిపేట్ చేయడం మొదలుపెట్టింది. ఇంకా చెప్పాలంటే.. వాళ్లుండే ప్రాంతంలో అద్భుతంగా డాన్స్ చేసే చైల్డ్​గా గుర్తింపు తెచ్చుకుంది. తన కూతురు డాన్స్ కోసం ట్రైనింగ్​ తీసుకోలేదు. డాన్స్ స్కూల్​కి పంపలేదు. ఏడాది వయసున్నప్పటి నుంచే రిథమ్​కి తగ్గట్టు డాన్స్ చేసేదని కష్వీ తల్లి ప్రత్యూష ఒక ఇంటర్వ్యూలో చెప్పింది. నిజానికి చాలామంది పిల్లలు ఆ వయసులో సరిగ్గా నిల్చోవడం నేర్చుకుంటారు. కానీ, కష్వీ అలా కాదు.. డాన్స్ చేయాలని ప్రయత్నించేదని ఆమె చెప్పింది. 

ఎంజాయ్ చేస్తా

నాకు మ్యాథ్స్, ఇంగ్లీష్​ సబ్జెక్ట్స్ అంటే ఇష్టం. ఫిక్షన్ స్టోరీ బుక్స్ చదువుతా. స్పోర్ట్స్ ఆడతాను. జిమ్నాస్టిక్స్ చేస్తాను. స్విమ్మింగ్​ కూడా చేస్తా. నాకు స్టేజ్​ ఫియర్ లేదు. స్టార్స్​తో కలిసి డాన్స్ చేయాలంటే భయపడను. ఎంజాయ్ చేస్తాను.

నోరా ఫతేహితో  డాన్స్..

ఐఫా అవార్డ్స్ 2022లో వేదిక మీద పాపులర్ డాన్సర్ నోరా ఫతేహితో కలిసి డాన్స్ చేసింది కష్వీ. నోరా ఫతేహి పాడిన ‘నాచ్​ మేరి రాణి’ సాంగ్​కి తను డాన్స్ చేసిన ఆ వీడియో వైరల్​ అయింది. అయితే, ఐఫా జరగడానికి ఒకరోజు ముందువరకు తను ఒక పెద్ద డాన్సర్​తో కలిసి పర్ఫార్మ్ చేయాల్సి వస్తుందని వాళ్లు ఊహించలేదు. అప్పుడు ప్రిపేర్ అవ్వడానికి కూడా టైం లేదు. దాంతో కష్వీ, నోరా ఫతేహీని చూస్తూ తను వేసిన స్టెప్స్​ని అనుసరించింది. దాంతో తన డాన్సింగ్​ స్కిల్స్ చూసి అక్కడున్న వారంతా ఫిదా అయ్యారు.

బాలీవుడ్​ స్టార్స్ ఐశ్వర్య రాయ్, షాహిద్ కపూర్ వంటి వాళ్లు కూడా తన టాలెంట్​ని చూసి మెచ్చుకున్నారు. దాని గురించి ఓ సందర్భంలో మాట్లాడుతూ... ‘‘నేను డాన్స్ స్కూల్​కి వెళ్లలేదు. కానీ, నోరా ఫతేహి చేసే డాన్స్ వీడియోలు యూట్యూబ్​లో చూసేదాన్ని. ఆమె డాన్స్ అంటే నాకు చాలా ఇష్టం. ఆమె వేసిన స్టెప్స్​ని నేను వేయడానికి ట్రై చేస్తా. బాలీవుడ్ సాంగ్స్​కి డాన్స్ చేయడమంటే చాలా  ఇష్టం” అని చెప్పింది కష్వీ.

సల్మాన్​ అంకుల్ 

కష్వీ సల్మాన్​ ఖాన్​ని మొదటిసారి ఐఫా అవార్డ్స్​ ఫంక్షన్​లో కలిసింది. కష్వీకి, వాళ్ల అమ్మకు ముందు వరుసలో కూర్చుకోవడానికి సరైన బ్యాడ్జి లేకపోవడంతో ఆయనే రికమండ్​ చేశాడు. అప్పటినుంచి కష్వీ ప్రేమగా సల్మాన్​ని అంకుల్​ అని పిలుస్తుంటుంది. 

చైల్డ్​ ఆర్టిస్ట్​గా..

ఐఫాకు వెళ్లక ముందు లోకల్ డాన్స్ కాంటెస్ట్​లలో పార్టిసిపేట్ చేసింది. 5 నుంచి15 ఏండ్ల లోపు వాళ్లకు పెట్టిన డాన్స్ కాంపిటీషన్​లో130 మంది అప్లయ్ చేయగా యంగెస్ట్​ ఫైనలిస్ట్​ల్లో ఒకరిగా నిలిచింది. తను యాక్టింగ్​ కూడా చేస్తుంది. తన స్కిల్స్ చూసి చైల్డ్​ ఆర్టిస్ట్​గా ఆఫర్లు కూడా వచ్చాయి. కానీ, అప్పట్లో ఏవీ ఒప్పుకోలేదు. ఇప్పుడు సిటాడెల్ వెబ్​ సిరీస్​లో చైల్డ్​ ఆర్టిస్ట్​ అనగానే పేరెంట్స్ ఎంకరేజ్​మెంట్​తో ఆడిషన్స్​కు వెళ్లింది. చూస్తే.. అది హాలీవుడ్ వెబ్​ సిరీస్​ సిటాడెల్​లో ప్రియాంక చోప్రా నటించిన నాడియా పాత్ర.

అందులో సెలక్ట్ కావడంతో చిన్నప్పటి నాడియాగా నటించింది కష్వీ. ‘సిటాడెల్ : హనీబన్నీ’ ప్రెస్​ మీట్​లో మాట్లాడుతూ.. ‘‘ఈ సిరీస్​లో చిన్నప్పటి నాడియా పాత్ర కోసం ఆడిషన్స్ జరిగాయి. ఆడిషన్స్ అయిపోయాక ప్రొడ్యూసర్స్ రాజ్​ అండ్ డీకే ఫోన్​ చేసి ఆ పాత్రకు సెలక్ట్ అయ్యానని చెప్పడంతో హ్యాపీగా ఫీలయ్యా. ప్రియాంక చోప్రా ఆల్​ రౌండర్​. పాటలు పాడుతుంది. డాన్స్ చేస్తుంది. యాక్టింగ్ చేస్తుంది. నేను కూడా మూడూ చేయగలను.

సో ఈ క్యారెక్టర్​కి నేను పర్ఫెక్ట్ మ్యాచ్​ అనిపించింది”అని మురిసిపోయింది కష్వీ. దీంతో అక్కడున్న వాళ్లంతా తన ధైర్యానికి మెచ్చుకున్నారు. కష్వీకి ఇన్​స్టాగ్రామ్​ పేజీ కూడా ఉంది. దానికి వెయ్యి మంది ఫాలోవర్లు ఉండేవాళ్లు. ఐఫా నైట్ పర్ఫార్మెన్స్ తర్వాత ఒక్క రాత్రిలో 25,000 ఫాలోవర్లు వచ్చారు. ప్రస్తుతం 175k ఫాలోవర్లు ఉన్నారు.