ఆకాశమే హద్దుగా పతంగుల పండుగ..

• పరేడ్ ​గ్రౌండ్స్​లో కైట్స్, స్వీట్స్ ఫెస్టివల్​ షురూ

సికింద్రాబాద్ పరేడ్ గ్రౌండ్ రంగు రంగుల, వెరైటీ పతంగులతో కలర్​ఫుల్​గా మారింది. మరోవైపు వందల స్టాల్స్​లో స్వీట్స్​ నోరూరిస్తున్నాయి. సోమవారం ఇంటర్నేషనల్​ కైట్స్​అండ్ ​స్వీట్స్ ​ఫెస్టివల్ ​ఏర్పాటు చేయగా దేశ విదేశాల నుంచి కైట్‌ ప్లేయర్లు, కైట్‌ క్లబ్‌ సభ్యులు హాజరయ్యారు. తిలకించడానికి వేలాది మంది సందర్శకులు తరలివచ్చారు. తెలంగాణ సంస్కృతి, సంప్రదాయాలు ప్రతిబింబించేలా మరో రెండు రోజులపాటు 
ఈ వేడుకలు కొనసాగుతాయి.  - వెలుగు, హైదరాబాద్ సిటీ

ఇంటి వంటకాలతో స్టాల్

హైదరాబాద్​ స్వీట్ ఫెస్టివల్​కు రావడం ఇది రెండోసారి.. మేము గర్జలు, గులాబ్ జామ్, పప్పు భక్ష్యాలు, నువ్వుల భక్ష్యాలు, రవ్వ బూరెలు ఇలా చాలా రకాల స్వీట్స్ తయారు చేసి తీసుకొచ్చాం. మా స్వీట్స్ కి మంచి రెస్పాన్స్ ఉంది. ఐటమ్స్​ అన్నీ మా ఇంట్లో తయారు చేసినవే. హైదరాబాద్​ స్వీట్​ ఫెస్టివల్​కు రావడం చాలా హ్యాపీగా ఉంది. – సంగీత, మహారాష్ట్ర

ఐ లవ్​ హైదరాబాద్.. మళ్లీ మళ్లీ వస్తా

ఇంటర్నేషనల్ ఫెస్టివల్​కు టూరిజం వాళ్ల హాస్పిటాలిటీ చాలా బాగుంది. ఐ లవ్ ఇండియా.. ఐ లవ్ ఇండియన్ కల్చర్.. స్పిరిచ్యువాలిటీ.. ఫీలింగ్ సో హ్యాపీ.. ఇప్పటివరకు కైట్​ ఫెస్టివల్​ కోసం పది సార్లు ఇండియాకు వచ్చాను. హైదరాబాద్ ​ఫెస్టిల్​లో పాల్గొనడం ఇది నాలుగోసారి. హైదరాబాద్ ఫలక్​నుమా ప్యాలెస్​ను చూశాను. చాలా బాగుంది. హుస్సేన్ సాగర్ బుద్ధ స్టాచ్యూ చాలా నచ్చింది. 
మళ్లీ.. మళ్లీ హైదరాబాద్​కు వస్తా.– బ్లాండిన్, ఫ్రాన్స్

కైట్స్​ ఎగరవేసేందుకు నో ఏజ్​ లిమిట్​

వర్క్​బిజీలో చాలా మంది సన్​లైట్​కు దూరంగా ఉంటున్నారు. సంక్రాంతి సందర్భంగా కైట్స్ ఎగరవేయడంతో నేరుగా సన్ ​లైట్ ​పడుతుంది. శరీరానికి డి– విటమిన్ లభిస్తుంది. ఇమ్యూనిటీ పెరుగుతుంది. సో దీంట్లో ఏజ్ లిమిట్ ఉండదు. ఎవరైనా కైట్స్​ఎగరవేయొచ్చు. నాకు తెలంగాణ అంటే చాలా ఇష్టం. అందుకే ఈసారి ‘ఐ లవ్ తెలంగాణ’ పేరుతో పతంగి ఎగరవేశాను. కైట్ ఫెస్టివల్ కోసం తెలంగాణకు రావడం సంతోషాన్నిచ్చింది. ఏటా కైట్ ​ఫెస్టివల్​కు వస్తుంటా. - హేమంత్ కుమార్, బెంగళూరు