సౌతాఫ్రికా ప్రీమియర్ లీగ్ 2025 ఐపీఎల్ తర్వాత అతి పెద్ద లీగ్ గా మారే అవకాశం కనిపిస్తుంది. అంతర్జాతీయ స్టార్ క్రికెటర్లు ఈ లీగ్ ఆడేందుకు ఆసక్తి చూపిస్తున్నారు. న్యూజిలాండ్ మాజీ ఆటగాడు కేన్ విలియంసన్, ఇంగ్లాండ్ స్టార్ ఆటగాళ్లు బెన్ స్టోక్స్, రూట్ ఈ లీగ్ లో పాల్గొనడంతో టోర్నీకి కళ రానుంది. బిగ్ బాష్ లీగ్.. పాకిస్థాన్ సూపర్ లీగ్.. కరీబియన్ ప్రీమియర్ లీగ్ క్రేజ్ దాటడం గ్యారంటీగా కనిపిస్తుంది.
టీ20 కెప్టెన్ కేన్ విలియంసన్, ఇంగ్లండ్ ఆల్ రౌండర్ క్రిస్ వోక్స్ డర్బన్ జట్టులో చేరనున్నారు. ఈ ఇద్దరి ప్లేయర్లను తన జట్టులోకి తీసుకుంటున్నట్లు డర్బన్ సూపర్ జయింట్స్ యాజమాన్యం అధికారికంగా ప్రకటించింది. విలియంసన్, వోక్స్ లకు ఇదే తొలి సౌతాఫ్రికా టీ20 లీగ్ కావడం విశేషం. ఇంగ్లాండ్ టెస్ట్ ఓపెనర్ జాక్ క్రాలీ, నెదర్లాండ్స్ ఆల్ రౌండర్ రోలోఫ్ వాన్ డెర్ మెర్వేను సన్ రైజర్స్ జట్టు దక్కించుకుంది. బెన్ స్టోక్స్ ముంబై కేప్ టౌన్ తరపున.. రూట్ పార్ల్ రాయల్స్ జట్ల తరపున ఆడనున్నారు.
తాజాగా మూడో సీజన్ కోసం పార్ల్ రాయల్స్ తరపున కార్తీక్ జట్టులో చేరతాడు. అతను తొలిసారి సౌతాఫ్రికా ప్రీమియర్ లీగ్ ఆడేందుకు సిద్ధమయ్యాడు. సౌతాఫ్రికా టీ20 సీజన్ జనవరి 9 నుండి ఫిబ్రవరి 8 వరకు జరుగుతుంది. ఇప్పటివరకు ఈ లీగ్ రెండు సీజన్ లు జరిగింది. రెండు సార్లు సన్ రైజర్స్ ఈస్టర్న్ క్యాపిటల్స్ టైటిల్ విజేతగా నిలిచింది.
