కోల్బెల్ట్/నస్పూర్/బెల్లంపల్లి, వెలుగు: కేంద్రంలోని బీజేపీ ప్రభుత్వం సింగరేణి బొగ్గు గనుల వేలాన్ని వెంటనే విరమించుకోవాలని, తెలంగాణలోని అన్ని బొగ్గు గనులను సింగరేణికే ఇవ్వాలని డిమాండ్చేస్తూ ఐఎన్టీయూసీ ఆందోళనలకు దిగింది. గురువారం మందమర్రి, శ్రీరాంపూర్సింగరేణి ఏరియాల జీఎం ఆఫీసుల వద్ద ఐఎన్టీయూసీ శ్రేణులు, కార్మికులు వేర్వేరుగా ధర్నాలు చేపట్టారు.
వందేండ్ల చరిత్ర ఉన్న సింగరేణి కంపెనీని కేంద్ర ప్రభుత్వం నిర్వీర్యం చేసి వేలాది కార్మికుల నోట్లో మట్టి కొట్టాలని చూస్తోందని మండిపడ్డారు. ఎంఎండీఆర్ చట్టానికి మద్దతు పలికిన గత బీఆర్ఎస్ సర్కార్ఈ వేలాన్ని ఎందుకు అడ్డుకోలేదని ప్రశ్నించారు. ధర్నాల అనంతరం మందమర్రి, శ్రీరాంపూర్ఏరియాల జీఎంలకు వినతిపత్రాలు అందజేశారు. ఐఎన్టీయూసీ బెల్లంపల్లి రీజియన్ ఇన్ఛార్జ్ కాంపెల్లి సమ్మయ్య, మందమర్రి, శ్రీరాంపూర్ ఏరియాల వైస్ప్రెసిడెంట్లు దేవి భూమయ్య, జె.శంకర్రావు, కేంద్ర కమిటీ చీఫ్ ఆర్గనైజింగ్ కార్యదర్శి నరేందర్ తదితరులు పాల్గొన్నారు.
కలెక్టరేట్ల ముట్టడిని విజయవంతం చేయాలి
బొగ్గు బ్లాక్ల వేలాన్ని నిరసిస్తూ ఏఐటీయూసీ ఆధ్వర్యంలో చేపట్టనున్న రాష్ట్ర వ్యాప్త కలెక్టరేట్ల ముట్టడిని విజయవంతం చేయాలని ఏఐటీయూసీ లీడర్లు కోరారు. గురువారం మందమర్రి, శ్రీరాంపూర్ఏరియాలోని బొగ్గు గనులు, డిపార్ట్మెంట్లపై గేట్మీటింగులు నిర్వహించి, పోస్టర్లు ఆవిష్కరిస్తూ ప్రచారం చేశారు. ఏఐటీయూసీ కేంద్ర కమిటీ సెక్రటరీ ఎండీ అక్బర్అలీ, డిప్యూటీ జనరల్ సెక్రటరీలు కె.వీరభద్రయ్య, ముస్కె సమ్మయ్య, మందమర్రి, రామకృష్ణాపూర్, శ్రీరాంపూర్, బెల్లంపల్లి బ్రాంచీల సెక్రటరీలు తదితరులు పాల్గొన్నారు.
ALSO Read : చేపలు పట్టేందుకు లీజు పొడిగించాలని నిరసన
సింగరేణి బొగ్గు గనుల వేలాన్ని వ్యతిరేకిస్తూ ఏఐటీయూసీ ఆధ్వర్యంలో ఈనెల 5 నుంచి 8వ తేదీ వరకు ఛలో కలెక్టరేట్, జీఎం ఆఫీస్ల ముందు ధర్నా కార్యక్రమాలు చేపట్టనున్నట్లు ఏఐటీయూసీ సెంట్రల్ వైస్ ప్రెసిడెంట్ వెంకటస్వామి వెల్లడించారు. బెల్లంపల్లి పట్టణంలోని శాంతిఖని ఆవరణలో జరిగిన గేట్ మీటింగ్లో ఆయన పాల్గొని మాట్లాడారు.ఏఐటీయూసీ బెల్లంపల్లి బ్రాంచి కార్యదర్శి దాగం మల్లేశ్, సీపీఐ, ఏఐటీయూసీ నాయకులు చిప్ప నర్సయ్య, రత్నం ఐలయ్య,రామచందర్, తిరుపతి గౌడ్, రమేశ్, సంతోష్ కుమార్ తదితరులు పాల్గొన్నారు.
