గోదావరిఖని, వెలుగు : ఎన్టీపీసీ సంస్థ మహారాష్ట్ర నాగ్పూర్లోని మౌదా వద్ద గల ప్రాజెక్ట్లో శనివారం జరిగిన గుర్తింపు యూనియన్ ఎన్నికల్లో ఐఎన్టీయూసీ ఘన విజయం సాధించింది. ఎన్టీపీసీ ఎన్బీసీ మెంబర్, ఐఎన్టీయూసీ నేషనల్సీనియర్జనరల్సెక్రెటరీ బాబర్ సలీంపాషా సారథ్యంలోని ఐఎన్టీయూసీ యూనియన్103 ఓట్లు సాధించగా, బీఎంఎస్ యూనియన్ 46 ఓట్లతో రెండో స్థానంలో నిలిచింది.
గెలిచిన ఐఎన్టీయూసీ యూనియన్కు ప్రెసిడెంట్గా బాబర్ సలీంపాషా, జనరల్ సెక్రెటరీగా ప్రణయ్, వర్కింగ్ ప్రెసిడెంట్గా రమేశ్ వ్యవహరించనున్నారు. ఎన్టీపీసీ మౌదా ప్రాజెక్ట్లో ఐఎన్టీయూసీ ఘన విజయం సాధించడం పట్ల రామగుండం ఎన్టీపీసీ మజ్దూర్యూనియన్ వర్కింగ్ ప్రెసిడెంట్ వేముల కృష్ణయ్య, జనరల్ సెక్రెటరీ ఆరెపల్లి రాజేశం శుభాకాంక్షలు తెలిపారు.
